web counter
LEXO PA REKLAMA!

SHKARKO APP

App Store
Google Play

E fundit!

x

Putin: SHBA-të pretendojnë se janë të dërguarit e Zotit në Tokë

17 Qershor 2022, 17:59, Kosova & Bota CNA
Putin: SHBA-të pretendojnë se janë të dërguarit e Zotit
Presidenti rus Vladimir Putin

Presidenti rus Vladimir Putin ka sulmuar shtetet e Bashkuara të Amerikës gjatë fjalimit të tij, në Forumin Ekonomik Ndërkombëtar në Shën Petersburg (SPIEF).

Putin tha se SHBA prentendon se ata janë të dërguarit e Zotit në Tokë  dhe po vepron sikur ata nuk e kanë vënë re se ka vende të tjera më të fuqishme në botë.

“SHBA shpalli fitoren në Luftën e Ftohtë si bëri Londra, dhe më vonë filluan ta mendojnë veten si të dërguarit e Zotit në Tokë, të cilët nuk kanë detyra, por vetëm interesa dhe këto interesa janë të shenjta. Bota po sheh ndryshime vërtet revolucionare në gjeopolitikë”, u shpreh ai.

Presidenti i Rusisë deklaroi më tej se elitat e vendeve perëndimore po punojnë nën këto iluzione për të injoruar realitetin.

“Do të ishte gabim të mendojmë se gjatë këtyre ndryshimeve të trazuara, gjithçka do të jetë ashtu siç ishte. Duket sikur elitat në pushtet të disa vendeve perëndimore po punojnë pikërisht nën këto iluzione për të injoruar realitetin, duke luajtur vazhdimisht me fantazmat e së kaluarës. Ata mendojnë se dominimi i perëndimit dhe i politikës dhe ekonomisë globale është konstante, por asgjë nuk është e përjetshme”, theksoi Putin.

Ndërkohë, kjtojmë se fjalimi i Putin u shty me një orë për shkak të një sulmi kibernetik në sistemet SPIEF./ B.A. - CNA.al





Lajmet e fundit nga