web counter
LEXO PA REKLAMA!

SHKARKO APP

App Store
Google Play

Hungaria zgjat kufirin për çmimet e karburanteve dhe ushqimeve

17 Qershor 2022, 13:58, Kosova & Bota CNA

 

Hungaria zgjat kufirin për çmimet e karburanteve dhe ushqimeve
Kryeministri hungarez, Viktor Orban

 

Qeveria hungareze ka zgjatur kufirin për çmimet e ushqimeve dhe karburanteve deri më 1 tetor, ndërsa kufiri i normave të interesit për hipotekat me pakicë do të qëndrojë në fuqi deri në fund të vitit.

Lajmi është bërë i ditur nga kryeministri Viktor Orban.

Inflacioni në Evropën Qendrore dhe Lindore është rritur më tej që nga pushtimi rus i Ukrainës, duke përkeqësuar rritjen ekzistuese të çmimeve pas pandemisë së koronavirusit, duke nxitur bankat qendrore në të gjithë rajonin të rrisin normat e interesit.

Kufiri i çmimeve të Orban-it janë mjeti kryesor i qeverisë së tij në mbrojtjen e familjeve nga kostot më të larta të jetesës, por edhe me këto masa, inflacioni u bë dyshifror muajin e kaluar.

Kujtojmë këtu se në mesin e nëntorit, qeveria e Orban vendosi një kufi prej 480 forintë (rreth 1.20 euro) për litër karburant dhe në shkurt kufizoi gjithashtu çmimet e disa produkteve ushqimore.

Kohët e fundit, çmimet më të lira të karburanteve janë kufizuar në makinat me regjistrime hungareze, duke shkaktuar një konflikt me Bashkimin Evropian. Kompania hungareze e energjisë MOL ka kërkuar që masa të hiqet gradualisht.





Lajmet e fundit nga