web counter
LEXO PA REKLAMA!

SHKARKO APP

App Store
Google Play

E fundit!

x

Nuk ndalen hakerat/ Tjetër sulm kibernetik në Kosovë

13 Shtator 2022, 21:42, Kosova & Bota CNA

Telekomi i Kosovës bëri të ditur se më 13 shtator është përballur me sulme kibernetike.

Përmes një njoftimi për media, operatori i shërbimeve mobile, Vala, bëri të ditur se edhe pse “sulmet kanë vazhduar”, Telekomi ka arritur të kthejë shërbimet e prekura të internetit në rrjetin e telefonisë mobile dhe fikse.

Kjo është hera e dytë gjatë këtij muaji që institucionet në Kosovë raportojnë se kanë qenë cak i sulmeve kibernetike.

Më 6 shtator, Qeveria e Kosovës bëri të ditur se ueb-faqet e institucioneve shtetërore kanë qenë cak i një sulmi kibernetik.

Qeveria tha se ky sulm është kryer prej jashtë vendit, por nuk specifikoi më shumë.

Edhe shtetet e tjera të rajonit së fundmi janë përballur me sulme kibernetike. Shqipëria ka raportuar një të tillë në korrik dhe një në shtator. Për të dyja sulmet, Tirana ka fajësuar Iranin dhe më 7 shtator ka shkëputur raportet diplomatike me Teheranin.

Ndryshe, Telekomi i Kosovës është kompani publike, e transformuar në shoqëri aksionare. Në të operon telefonia fikse dhe ajo mobile, Vala. Vala ka mbi 1.2 milionë konsumatorë në mbarë vendin./ REL





Lajmet e fundit nga