Eksportet e grurit ukrainas/ Britania hedh poshtë deklaratat e Putinit

11 Shtator 2022, 19:49, Kosova & Bota CNA

Eksportet e grurit ukrainas/ Britania hedh poshtë deklaratat e Putinit

Toka të mbjella me grurë në Ukrainë

Pretendimet e presidentit rus, Vladimir Putin, se vetëm një pjesë e grurit të eksportuar nga Ukraina është duke arritur në vendet e varfra, nuk janë të vërteta, ka thënë Ministria britanike e Mbrojtjes.

Pa ofruar të dhëna, Putini ka thënë më 7 shtator se vetëm dy prej 87 anijeve me rreth 60.000 tonë të produkteve, kanë shkuar në vendet e varfra.

Marrëveshja mes Rusisë dhe Ukrainës, për eksportimin e grurit nga portet ukrainase të Detit të Zi, është ndërmjetësuar javë më parë nga Kombet e Bashkuara dhe Turqia.

Pas rreth dy javësh/ Mbërrin në portin e Durrësit anija nga Ukraina me 6 mijë ton grurë
10 Gusht, 09:23

Duke cituar të dhënat e OKB-së, ministria britanike ka thënë më 11 shtator se rreth 30 për qind e eksporteve të grurit janë dërguar në shtetet me të ardhura të mesme apo të ulëta në Afrikë, Lindje të Mesme dhe Azi.

Ministria britanike ka akuzuar Rusinë për dezinformim të qëllimshëm për t’i ikur fajit që ka për situatë të pasigurt me ushqime në botë, pas nisjes së luftës së Ukrainë.

Rusia dhe Ukraina janë të dyja furnizuese kyçe të drithërave, dhe konflikti i vazhdueshëm vetëm ka vënë në pah brishtësinë e zinxhirit global të furnizimit me ushqime, kur dy shtetet kryesore janë jashtë tregut.

Nisen nga Ukraina edhe dy anije të tjera me grurë
20 Gusht, 12:17

Më 2021, Rusia dhe Ukraina janë renditur si lidere globale në eksport të elbit, misrit, luleve të verdha për vajra, farave të lulediellit dhe vajit të lulediellit.

Së bashku, ato eksportojnë pothuajse 30 për qind të furnizimeve me grurë në botë. Rusia eksporton 17 për qind të grurit në nivel botëror, ndërsa Ukraina rreth 20 për qind të luleve të verdha për vajra.

Presidenti rus, Vladimir Putin, ka urdhëruar pushtimin e Ukrainës më 24 shkurt.