web counter
LEXO PA REKLAMA!

SHKARKO APP

App Store
Google Play

"Qoftë torturuese dhimja e saj!"/ Jeff Bezos debaton me profesoreshën që foli për Mbretëreshën Elizabeth

10 Shtator 2022, 09:54, Kosova & Bota CNA
"Qoftë torturuese dhimja e saj!"/ Jeff Bezos debaton me
Jeff Bezos

Jeff Bezos ka kritikuar një profesoreshë universiteti e cila në një moment mllefi e sipër kishte postuar një status në Twitter-in e saj, ku shfaqte një lloj çlirimi pas vdekjes së Mbretëreshës Elizabeth II.

Dr. Uju Anya, profesoreshë e linguistikës dhe racës në Carnegie Mellon, "uroi" që vdekja e mbretëreshës  të ishte "torturuese", teksa ajo ishte në momentet e fundit të jetës së saj. 

Postimet e Dr. Anya që atëherë janë hequr për shkelje të rregullave të Twitter, por Jeff Bezos gjithsesi reagoi kundrejt tyre.

Profesoresha shkruante:

"Kam dëgjuar se kryemonarkja e një perandorie që ka kryer gjenocid dhe perandori hajdute po vdes më në fund. Qoftë torturuese dhimbja e saj."

Bezos, i komentoi përpara se postimi të fshihej, duke shkruar:

"Kjo vjen nga dikush që supozohet se po punon për ta bërë botën më të mirë. Nuk mendoj kështu. Uau."

Dr. Anya më pas vazhdoi të shprehet në Twitter duke thënë:

"Nëse dikush pret që unë të shpreh diçka përveç përbuzjes për monarken që mbikëqyri një qeveri që sponsorizoi gjenocidin që masakroi dhe zhvendosi gjysmën e familjes sime, pasojat e të cilit njerëzi po i përjetojnë ende sot, mund të vazhdoni të ëndërroni."

Pas kësaj replike virtuale, Bezos tashmë ka ftuar njerëzit të nënshkruajnë edhe një peticion kundër profesoreshës, ku kjo e fundit "akuzohet" për "fyerje etnike", dhe kërkohet që Anya të mos japë më mësim./CNA.al





Lajmet e fundit nga