web counter
LEXO PA REKLAMA!

SHKARKO APP

App Store
Google Play

Sekretarja e Thesarit të SHBA-së: Çmimi i karburantit mund të rritet gjatë dimrit

11 Shtator 2022, 20:51, Kosova & Bota CNA
Sekretarja e Thesarit të SHBA-së: Çmimi i karburantit mund
Sekretarja e Thesarit të SHBA, Janet Yellen

Sekretarja e Thesarit, Janet Yellen, tha të dielën se ekziston mundësia e rritjes së çmimit të gazit në Shtetet e Bashkuara gjatë periudhës së dimrit, kur Bashkimi Europian do të shkurtojë ndjeshëm blerjen e naftës ruse. Zonja Yellen tha se po shqyrtohet një propozim i vendeve perëndimore lidhur me vënien e një çmimi tavan për naftën ruse me qëllimin për të mbajtur nën kontroll çmimet.

“Ekziston rreziku, ndaj po punojmë për vënien e një çmimi tavan në përpjekje për të trajtuar situatën”, tha zonja Yellen për rrjetin "CNN".

Rritja e çmimit mund të shkaktohet nga ndërprerja e blerjes së naftës ruse nga Bashkimi Europian dhe ndalimi i sherbimeve që lejojnë Rusinë që të transportojë naftë me anije çiesternë, tha ajo.

Plani i çmimit tavan, për të cilin kanë rënë dakord vendet e pasura të G7, kërkon që vendet pjesëmarrëse të ndalojë dhënien e sigurimeve, financimet, navigimin dhe shërbime të tjera për transportet e naftës me çmim mbi atë që do të përcaktohet nga vendet e G7 për naftën e papërpunuar dhe nënproduktet e saj.

Zonja Yellen tha se vënia e kufirit të çmimit të karburantit synon të ulë fitimet që Rusia mund t’i përdorë për të financuar luftën në Ukrainë, duke ruajtur furnizimet ruse të naftës për të mbajtur të ulëta çmimet globale./ VOA





Lajmet e fundit nga