web counter
LEXO PA REKLAMA!

SHKARKO APP

App Store
Google Play

Momente historike në Britani/ I gjithë kombi 1 minutë heshtje për Mbretëreshën Elizabeth

12 Shtator 2022, 15:36, Kosova & Bota CNA

Momente historike në Britani/ I gjithë kombi 1 minutë heshtje

Që prej datës 8 shtator Britania është futur në 10-ditëshin e zisë me rastin e humbjes së Mbretëreshës Elizabeth, e cila u nda nga jeta në moshën 96-vjeçare.

Që nga ajo ditë vendi po përjeton momente historike pasi, po i bëhen nderimet e fundit monarkes më jetëgjatë të Britanisë, e cila mbretëroi plot 70 vite.

Downing Street ka njoftuar se të dielën e ardhshme kombi është i thirrur që të mblidhet për të nderuar Mbretëreshën Elizabeth II, ndërsa do të mbahet një minutë heshtje në të gjithë vendin.

“Në orën 20:00, të dielën e 18 shtatorit, para funeralit shtetëror, do të mbahet një minutë heshtje për të nderuar jetën dhe trashëgiminë e Mbretëreshës Elizabeth II. Heshtja mund të mbahet privatisht në shtëpinë tuaj ose me miqtë dhe fqinjët, jashtë në pragun tuaj ose në rrugë, ose në ngjarje dhe vigjilje të organizuara në komunitet. Inkurajojmë qytetarët, klubet dhe organizatat e tjera të marrin pjesë në këtë moment. Dhe nëse jeni jashtë shtetit, njerëzit inkurajohen të bashkohen”, tha një përfaqësues i kryeministres./ CNA.al





Lajmet e fundit nga