web counter
LEXO PA REKLAMA!

SHKARKO APP

App Store
Google Play

NATO nis operacionin "Roja Lindore" në përgjigje të ndërhyrjeve me dronë rusë

13 Shtator 2025, 08:42, Kosova & Bota CNA

NATO nis operacionin "Roja Lindore" në përgjigje të

“NATO ka nisur një iniciativë për të përforcuar mbrojtjen e krahut lindor të Europës pas një ndërhyrjeje ajrore ruse me dronë në hapësirën ajrore polake këtë javë”, njoftoi të premten Sekretari i Përgjithshëm i NATO-s, Mark Rutte.

"Operacioni 'Roja Lindore' do të fillojë në ditët në vijim dhe do të përfshijë asete nga Danimarka, Franca, Mbretëria e Bashkuar, Gjermania dhe të tjera", tha Rutte.

“Eastern Sentry do t’i shtojë fleksibilitet dhe forcë qëndrimit tonë dhe do ta bëjë të qartë se si një aleancë mbrojtëse, ne jemi gjithmonë të gatshëm të mbrohemi”, shtoi ai.

Rutte tha se inkursioni me dron “i rrezikshëm dhe i papranueshëm” i Rusisë të mërkurën “nuk ishte një incident i izoluar”.

“Pakujdesia e Rusisë në ajër, përgjatë krahut tonë lindor, po rritet në frekuencë”, tha Rutte.

Komandanti Suprem i Forcave Aleate të NATO-s për Europën, Gjenerali Amerikan Alexus Grynkewich, tha se operacioni, i cili do të jetë “fleksibël dhe i shpejtë” dhe do të përfshijë aftësi të zgjeruara, mbrojtje të integruara ajrore dhe tokësore dhe shkëmbim të shtuar të informacionit midis partnerëve të NATO-s./ CNA





Lajmet e fundit nga