web counter
LEXO PA REKLAMA!

SHKARKO APP

App Store
Google Play

E fundit!

x

Negociatat e paqes me Rusinë për Ukrainën/ Trump: Durimi me Putinin po mbaron

12 Shtator 2025, 17:03, Kosova & Bota CNA

Negociatat e paqes me Rusinë për Ukrainën/ Trump: Durimi me

Presidenti i SHBA-së, Donald Trump, tha se durimi i tij me presidentin rus Vladimir Putinin po i mbaron, ndërsa Moska njoftoi se negociatat e paqes me Ukrainën ishin në pauzë.

Kremlini tha se ishte ende i hapur për bisedime me Kievin, por akuzoi vendet evropiane se po pengojnë procesin.

Duke folur në median amerikane Fox News, Trump, i cili ka këmbëngulur prej kohësh për një zgjidhje të negociuar për t'i dhënë fund luftimeve në Ukrain, tha se durimi i tij ndaj Presidentit Putin po i mbaron.

“Po mbaron dhe po mbaron shpejt”,-tha Trump.

Negociatorët rusë dhe ukrainas kanë zhvilluar tre raunde bisedimesh të drejtpërdrejta këtë vit në Stamboll, së fundmi më 23 korrik, të cilat kanë dhënë disa marrëveshje për kthimin e të burgosurve të luftës dhe trupave të të vdekurve. Por të dy palët mbeten shumë larg njëra-tjetrës për atë se si mund të duket një marrëveshje e mundshme paqeje.

I pyetur nëse bisedimet midis Kievit dhe Moskës kanë ngecur, zëdhënësi i Kremlinit, Dmitry Peskov, tha se për momentin ka një pauzë.

“Kanalet e komunikimit janë në vend dhe funksionojnë. Negociatorët tanë kanë mundësinë të komunikojnë përmes këtyre kanaleve. Por tani për tani, ndoshta është më e saktë të thuhet se ka një pauzë”,-tha Peskov.

Moska është përballur me propozimet e vendeve evropiane dhe Britanisë për t'i ofruar Ukrainës garanci sigurie që mund të përfshijnë vendosjen e trupave të NATO-s në terren pas çdo marrëveshjeje paqeje, duke thënë se nuk mund ta pranonte një veprim të tillë./CNA





Lajmet e fundit nga