web counter
LEXO PA REKLAMA!

SHKARKO APP

App Store
Google Play

E fundit!

x

Trump: Autori i dyshuar për të shtënat me armë ndaj Charlie Kirk është në paraburgim

12 Shtator 2025, 15:58, Kosova & Bota CNA

Trump: Autori i dyshuar për të shtënat me armë ndaj Charlie

Presidenti i SHBA-së, Donald Trump, tha këtë të premte se i dyshuari për vrasjen e influencuesit konservator Charlie Kirk në Utah është arrestuar, në atë që duket të jetë një përparim i rëndësishëm në hetim.

“Mendoj se me një shkallë të lartë sigurie e kemi atë në paraburgim. Dikush që ishte shumë afër tij. Shpresoj që ai të shpallet fajtor, mendoj, dhe shpresoj që të marrë dënimin me vdekje. Ajo që bëri, Charlie Kirk, ishte personi më i mirë, por nuk e meritonte këtë. Ai punoi shumë dhe shumë mirë. Të gjithë e pëlqenin. Kam parë që edhe e majta po kalon vështirësi”,- tha Trump në televizionin "Fox".

Trump tregoi se ai mësoi për arrestimin pesë minuta para se të bashkohej në event.

I dyshuari në paraburgim në lidhje me vrasjen e Kirk është një 22-vjeçar nga Utah. Autoritetet e kanë identifikuar të dyshuarin si Tyler Robinson.

Pamjet e publikuara së fundmi nga atentati tregonin një person që mbante syze dielli, këpucë Converse dhe një këmishë të zezë me mëngë të gjata me një flamur amerikan dhe shqiponjë duke vrapuar nëpër një çati përpara se të zbriste nga buza e ndërtesës dhe të binte në tokë.

I dyshuari më pas kalon rrugën e ngarkuar në një zonë të pyllëzuar, ku policia tha se zbuloi një pushkë, që ata besojnë se është arma e përdorur për të qëlluar Kirk-un./CNA





Lajmet e fundit nga