web counter
LEXO PA REKLAMA!

SHKARKO APP

App Store
Google Play

E fundit!

x

Sulmi ndaj Kullave Binjake/ 24 vite nga ngjarja që tronditi botën

11 Shtator 2025, 08:03, Kosova & Bota CNA

Sulmi ndaj Kullave Binjake/ 24 vite nga ngjarja që tronditi botën

11 shtatori i vitit 2001 do të mbetet gjatë në mendjen e njerëzve për shkak të sulmit terrorist mbi dy Kullat Binjake në Shtetet e Bashkuara të Amerikës.

Sot shënohen 24 vite nga ngjarja tragjike që tronditi Amerikën dhe gjithë botën. Mijëra njerëz panë nga televizorët e tyre anembanë globit skenat apokaliptike që u zhvilluan në një prej qendrave më të rëndësishme ekonomike të botës perëndimore.

Ngjarja nisi me rrëmbimin e katër aeroplanëve nga terroristë të Al Qaeda-s. Në orën 8:46 të mëngjesit, njëri prej tyre u përplas me kullën veriore të qendrës së madhe tregtare në New York, duke krijuar një çarje të thellë të ndërtesës.

17 minuta më vonë një aeroplan tjetër pasagjerësh përplasi kullën jugore, duke krijuar një lëmsh të madh zjarri.

Sulmi ndaj Kullave Binjake/ 24 vite nga ngjarja që tronditi botën

Viktimat në kullat binjake ishin 2 752, mes tyre 343 zjarrfikës dhe 60 policë. Pjesa më e madhe e viktimave ishin civilë të 70 kombësive të ndryshme.

Presidenti i asaj kohe, George W Bush, informoi popullin amerikan se vendi kishte përjetuar një sulm terrorist. Ndërkohë, Administrata Federale e Aviacionit pezulloi të gjitha fluturimet, hera e parë kjo që ndodhte në historinë amerikane, të pezullohej transporti ajror.

Sulmi ndaj Kullave Binjake/ 24 vite nga ngjarja që tronditi botën

Vetëm pak kilometra jashtë Uashingtonit, një avion tjetër u përplas mbi ndërtesën e Pentagonit, duke e mbuluar atë në flakë, duke shkaktuar qindra viktima dhe të plagosur.

Sulmi ndaj Kullave Binjake/ 24 vite nga ngjarja që tronditi botën

Në nëntor të vitit 2001, Shtetet e Bashkuara, me sulme të furishme, larguan lëvizjen talebane nga pushteti në Afganistan.

Atë kohë, Afganistani qeverisej nga talebanët, të cilët kishin aleancë me Al Qaedën.

24 vite më vonë, në vendin ku ngriheshin Kullat Binjake, qëndron vetëm një ndërtesë, e njohur si Kulla e Lirisë./ CNA





Lajmet e fundit nga