web counter
LEXO PA REKLAMA!

SHKARKO APP

App Store
Google Play

E fundit!

x

Moti i egër gjatë fundjavës/ Bie dëborë të rrallë në qytetet e Australisë

4 Gusht 2025, 20:12, Kosova & Bota CNA

Moti i egër gjatë fundjavës/ Bie dëborë të

Mijëra banorë në shtetin juglindor të Australisë, Uellsin e Ri Jugor, u prekën nga ndërprerjet e energjisë elektrike të hënën, pasi një fundjavë me mot të egër solli dëborë dhe shira të rrallë.

Bora e madhe mbuloi një pjesë të madhe të veriut të shtetit, ndërsa Shërbimet Shtetërore të Emergjencave iu përgjigjën mbi 2000 thirrjeve për ndihmë, raportuan mediat lokale.

Banorët vendas thanë se reshje të mëdha dëbore nuk ishin parë në rajon për 10 vitet e fundit. Në pjesët veriore të Uellsit të Ri Jugor ra deri në 40 centimetra dëborë.

Moti i keq detyroi mbylljen e disa shkollave në bregdetin e mesëm-verior të shtetit, ndërsa autoritetet lëshuan paralajmërime për përmbytje në disa nga zonat e prekura.

Sipas shërbimeve të emergjencës së Uellsit të Ri Jugor, sasia e madhe e reshjeve të dëborës, e kombinuar me shira të rrëmbyeshëm dhe stuhi në pjesë të tjera të shtetit, çoi në më shumë se 1455 incidente gjatë fundjavës.

Më shumë se 100 automjete mbetën të bllokuara në rrugë dhe dhjetëra mijëra shtëpi mbetën pa energji elektrike./CNA

 





Lajmet e fundit nga