web counter
LEXO PA REKLAMA!

SHKARKO APP

App Store
Google Play

E fundit!

x

Italia drejt ndalimit të prodhimit dhe importit të mishit të kultivuar

20 Korrik 2023, 15:04, Kosova & Bota CNA

Italia drejt ndalimit të prodhimit dhe importit të mishit të

Senati i Republikës italiane miratoi më 19 korrik projektligjin që ndalon prodhimin dhe importin e produkteve të kultivuara, me qëllimin e mbrojtjes së interesit kombëtar, trashëgimisë ushqimore dhe shëndetit të konsumatorëve.

Nga 154 senatorë në dhomën më të lartë, 93 votuan pro projektligjit. Megjithatë, që projektligji të miratohet plotësisht, duhet të kalojë edhe në Dhomën e Deputetëve.

Në muajin mars, ministri i Bujqësisë, Francesco Lollobrigida, e paraqiti projektligjin në Këshillin e Ministrave dhe mori miratimin.
Kritikët argumentojnë se ndalimi u drejtohet produkteve që 'nuk ekzistojnë', duke e bërë atë të duket më shumë si një masë simbolike ose propagandë sesa një rregullore praktike.

Organizata më e madhe italiane mjedisore Legambiente tha se projektligji shërben për të shmangur të folurit për 'përgjegjësi serioze të bujqësisë intensive'.

Mishi i rritur në laborator ose mish i kultivuar ose me bazë qelizore është mish që zhvillohet nga qelizat shtazore dhe rritet, me ndihmën e lëndëve ushqyese si aminoacidet, në bioreaktorë masivë, raporton "Forbes". 

Rritja e mishit nga qelizat do të thotë që njerëzit mund të hanë mish pa pasur nevojë të therin kafshë.

 

 

 

 

 





Lajmet e fundit nga