web counter
LEXO PA REKLAMA!

SHKARKO APP

App Store
Google Play

E fundit!

x

5 destinacionet në Evropë për t’u shpëtuar temperaturave ekstreme

20 Korrik 2023, 14:05, Kosova & Bota CNA

5 destinacionet në Evropë për t’u shpëtuar

Temperaturat vazhdojnë të mbeten të larta në të gjithë kontinentin evropian. Në këto ditë të nxehta ku termometri shëndon deri në 45 gradë celcius secili prej nesh po kërkon një destinacion me temperatura më të përballueshme.

"SchengenVisaInfo.com" ka bërë një renditje të disa prej destinacioneve pjesë të zonës Shengen si vende ku mund t'i shpëtojmë të nxehtit të verës.

Amsterdam, Holandë
Kryeqyteti i Holandës është një shpëtim ideal nga vapa. Qyteti ka një klimë të moderuar, me temperatura mesatare midis 20-25 gradë Celsius gjatë muajve të verës, duke e bërë atë një destinacion të përshtatshëm për të gjithë ata që kërkojnë pak freski.

Kopenhagë, Danimarkë

Kopenhagen është një nga vendet më të mira në Shengen për t'u vizituar me mot të butë veror, me 21 gradë celsius që është më e larta e zakonshme. Qyteti ka një vendndodhje bregdetare dhe flladet e freskëta të detit krijojnë një atmosferë të këndshme gjatë muajve të verës, duke i lejuar të gjithë të bëjnë aktivitete të ndryshme pa u shqetësuar për temperaturën.

Oslo, Norvegji

Me një temperaturë mesatare prej 18 gradë Celsius gjatë verës, Oslo është një tjetër destinacion i mrekullueshëm për ata që ikin nga vapa. Kryeqyteti i Norvegjisë ofron një përzierje të bukurisë natyrore. 

Reikjavík, Islandë

Për të gjithë ata që kërkojnë një arratisje unike nga vala e të nxehtit, Reikjavíku i Islandës është një zgjedhje perfekte, me temperatura mesatare që zakonisht variojnë nga rreth 10 deri në 15 gradë Celsius gjatë muajve të verës.
Islanda mbetet e freskët gjatë gjithë muajve të verës, duke bërë të mundur që të gjithë të eksplorojnë pjesë të ndryshme të qytetit pa u shqetësuar për temperaturat e larta.

Helsinki, Finlandë


Kryeqyteti i Finlandës, Helsinki, ofron një arratisje freskuese nga vapa. Me temperaturat në qytet që variojnë midis 20 dhe 25 gradë Celsius gjatë verës, Helsinki ka një klimë të rehatshme për aktivitete në natyrë.
Ata që vizitojnë Helsinkin gjatë verës mund të vizitojnë Kalanë e Detit Suomenlinna, të eksplorojnë arkitekturën e saj unike dhe të shijojnë festivale të ndryshme që zhvillohen gjatë këtij sezoni.

 

 





Lajmet e fundit nga