web counter
LEXO PA REKLAMA!

SHKARKO APP

App Store
Google Play

E fundit!

x

Ndihmoi me dokumentacion të kërkuarin nga Interpoli/ Arrestohet zyrtari i Agjencisë për Regjistrimin Civil në Kosovë

19 Korrik 2023, 12:27, Kosova & Bota CNA

Ndihmoi me dokumentacion të kërkuarin nga Interpoli/ Arrestohet

Policia e Kosovës ka arrestuar një zyrtar të Agjencisë për Regjistrimin Civil në Kosovë pas dyshimeve se ka ndihmuar me dokumentacion shtetasin M.D., i cili ishte shpallur në kërkim ndërkombëtar nga Interpoli për vepra penale të narkotikëve.

Shtetasi me inicialet D.B., i cili punonte si zyrtar administrativ pranë ARCK është arrestuar nën akuzat: “Keqpërdorimi i pozitës apo autoriteti zyrtar” dhe “Falsifikim i dokumentit zyrtar”, sipas KPRK-së.

“I lartcekuri dyshohet se më 15.10.2021, në Prishtinë, respektivisht në zyrat e Agjencisë për Regjistrim Civil (ARC), në cilësinë e zyrtarit administrativ pranë kësaj Agjencie, përgjegjës për aplikim dhe shpërndarjen e dokumenteve personale (letërnjoftim, patentë shoferë dhe pasaportë), me qëllim të përfitimit të dobisë pasurore për vete apo për tjetrin, me dashje dhe dijeni, i ka keqpërdorur autorizimet e tija ligjore, duke vepruar në kundërshtim me legjislacionin për dokumentet personale, në atë mënyrë që, personit me inicialet M.D., shtetas i Republikës së Shqipërisë, i shpallur në kërkim ndërkombëtar nga Interpoli për vepra penale të narkotikëve, i sjellë dobi të kundërligjshme duke i ndihmuar që ta kompletojë, pranojë dhe vërtetojë dokumentacionin personal në emër dhe me të dhënat e të dëmtuarit A.N., kështu duke i mundësuar personit M.D., që të nxjerrë letërnjoftimin dhe pasaportën e Republikës së Kosovës me të dhënat e të dëmtuarit A.N.”, thuhet në komunikatën e Prokurorisë Themelore të Prishtinës./ CNA

 





Lajmet e fundit nga