web counter
LEXO PA REKLAMA!

SHKARKO APP

App Store
Google Play

Sulmi iranian vë në lëvizje Biden/ SHBA vë në gatishmëri shkatërruesit e dronëve

13 Prill 2024, 23:05, Kosova & Bota CNA
Sulmi iranian vë në lëvizje Biden/ SHBA vë në
Presidenti amerikan, Joe Biden

Sulmi iranian ndaj Izraelit ka vënë menjëherë në lëvizje edhe SHBA-në.

Presidenti amerikan, Joe Biden do të takohet me ekipin e tij të sigurisë kombëtare në Shtëpinë e Bardhë.

Lajmi është konfirmuar nga Shtëpia e Bardhë, e cila njofton se ekipi I Bidenit është në komunikim të vazhdueshëm me Izraelin.

“Ekipi i tij është në komunikim të vazhdueshëm me zyrtarët izraelitë, si dhe me partnerë dhe aleatë të tjerë. Ky sulm ka të ngjarë të shpaloset brenda disa orësh

Presidenti Biden ka qenë i qartë: mbështetja jonë për sigurinë e Izraelit është e hekurt. Shtetet e Bashkuara do të qëndrojnë me popullin e Izraelit dhe do të mbështesin mbrojtjen e tyre kundër këtyre kërcënimeve nga Irani”, thuhet në deklaratë.

Për këtë ngjarje reagoi edhe këshilltari i Sigurisë Kombëtare i SHBA-së, Jake Sullivan, i cili tha se ka komunikuar me homologun e tij izraelit, Tzachi Hanegbi.

"Gjatë telefonatës, unë përsërita angazhimin e hekurt të Shteteve të Bashkuara për sigurinë e Izraelit," shkroi Sullivan në rrjete sociale.

Gjithashtu, mediat ndërkombëtare raportojnë se SHBA ka vendosur në gatishmëri të Izraelit, asetet e tyre, për mbrojtje kundër Iranit.

Në gatishmëri janë vendosur shkatërruesit e raketave, në mënyrë që dronët të mos godasin tokën izraelite.

Të njejtën gjë ka bërë edhe Jordania, e cila njoftoi se do të kapë çdo dron ose avion iranian që shkel hapësirën e saj ajrore./ CNA





Lajmet e fundit nga