web counter
LEXO PA REKLAMA!

SHKARKO APP

App Store
Google Play

IDF konfirmon sulmet e Iranit/ “Kemi mbrojtje të fortë, por jo hermetike”

13 Prill 2024, 22:19, Kosova & Bota CNA
IDF konfirmon sulmet e Iranit/ “Kemi mbrojtje të fortë, por jo
Zëdhënësi i IDF-së, Daniel Hagari

Zëdhënësi i IDF-së, Daniel Hagari ka konfirmuar se Irani ka nisur dhjetëra dronë drejt Izraelit.

Në një deklaratë për shtyp, Hagari tha se Forcat Ajrore izraelite po gjurmojnë dronët, ndërsa nënvizoi se do të duhen disa orë që ata të arrijnë në objektiv.

Ai deklaroi se do të ketë ndërprerje të GPS, pasi ushtria punon për të kapur dronët.

“Pak kohë më parë, Irani nisi mjete ajrore pa pilot nga territori i tij drejt territorit të shtetit të Izraelit. Grupi i mbrojtjes ajrore është në gatishmëri të lartë në të njëjtën kohë me avionët e Forcave Ajrore dhe anijet e Marinës që janë në një mision për të mbrojtur qiejt e vendit. IDF po monitoron të gjitha objektivat”, deklaroi ai.

Daniel Hagari u shpreh se mbrojtja e Izraelit është e fortë, por jo hermetike.

Gjithashtu, zëdhënësi i IDF-së deklaroi se do të informojë sërish publikun nëse do të ketë sulme shtesë dhe nëse dronët hyjnë në hapësirën ajrore izraelite do të bien sirenat.

Hagari theksoi se IDF do të punojë për të kapur objektivat sa më shpejt që të jetë e mundur./ CNA





Lajmet e fundit nga