web counter
LEXO PA REKLAMA!

SHKARKO APP

App Store
Google Play

E fundit!

x

I dërguari special i SHBA-së dhe Kushner, pjesë e bisedimeve në Egjipt

8 Tetor 2025, 07:24, Kosova & Bota CNA

I dërguari special i SHBA-së dhe Kushner, pjesë e bisedimeve

I dërguari special i SHBA-së, Steve Witkoff, dhe dhëndri i Presidentit të SHBA-së, Donald Trump, Jared Kushner, do të marrin pjesë në bisedimet për planin e paqes në Gaza midis negociatorëve izraelitë dhe Hamas në Egjipt të mërkurën.

Mbërritja e tyre vjen ndërsa dita e dytë e bisedimeve indirekte të martën përfundoi pa rezultate të prekshme, tha për "BBC"-në një zyrtar i lartë palestinez i njohur me negociatat.

Trump mbajti një ton pozitiv të martën, ndërsa Izraeli shënoi përvjetorin e dytë të sulmeve të Hamasit më 7 tetor, duke thënë: ekziston mundësia që të kemi paqe në Lindjen e Mesme. Kryeministri izraelit Benjamin Netanyahu nuk komentoi mbi statusin e bisedimeve, por u tha izraelitëve se ishin në ditë vendimtare.

Në një postim në "X", Netanyahu shtoi se Izraeli do të vazhdojë të veprojë për të arritur qëllimet e tij të luftës.

“Kthimi i të gjithë të rrëmbyerve, eliminimi i regjimit të Hamasit dhe premtimi se Gaza nuk do të përbëjë më kërcënim për Izraelin”, tha Netanyahu.

Witkoff dhe Kushner pritej të largoheshin nga SHBA-ja të martën në mbrëmje dhe të mbërrinin në Egjipt të mërkurën, tha për "BBC"-në një burim i njohur me bisedimet. Kryeministri i Katarit, Sheikh Mohammed bin Abdul Rahman Al Thani, i cili shihet si një ndërmjetës kryesor, do t'u bashkohet gjithashtu bisedimeve, tha një zyrtar për agjencinë e lajmeve "Reuters".

Ministri i Jashtëm i Katarit dhe kreu i inteligjencës turke pritet t'i bashkohen atij./CNA, përkthyer nga "BBC"





Lajmet e fundit nga