web counter
LEXO PA REKLAMA!

SHKARKO APP

App Store
Google Play

E fundit!

x

Dy vite nga sulmi i 7 tetorit/ Si u kalua nga lufta në tryezën e diplomacisë

7 Tetor 2025, 07:56, Kosova & Bota CNA

Dy vite nga sulmi i 7 tetorit/ Si u kalua nga lufta në tryezën e

Ditën e sotme shënohen dy vite që nga sulmet e Hamasit ndaj Izraelit të shtunën, më 7 tetor 2023, në të cilat u vranë rreth 1,200 persona dhe 251 të tjerë u morën peng.

Pas kësaj, Izraeli nisi një fushatë masive sulmesh ajrore ndaj objektivave në Gaza, e ndjekur nga një pushtim tokësor, me qëllim shkatërrimin e Hamasit dhe lirimin e pengjeve.

Në Gaza, 67,160 njerëz janë vrarë në sulmet izraelite, sipas Ministrisë së Shëndetësisë të drejtuar nga Hamasi. Shumica e popullsisë së saj është zhvendosur dhe më shumë se 90% e shtëpive vlerësohet të jenë dëmtuar ose shkatërruar.

Dje, në Egjipt filluan bisedimet indirekte midis Izraelit dhe Hamasit me qëllim sigurimin e një armëpushimi në Gaza.

Në takim përveç përfaqësuesve nga Hamasi dhe Izraeli morën pjesë ndërmjetësuesit amerikanë, të Katarit dhe ata egjiptianë.

Në Sharm El-Sheikh delegacionet po shqyrtojnë planin e paqes prej 20 pikash të Donald Trump. Izraeli është pajtuar me propozimet, ndërsa Hamasi e ka pranuar atë pjesërisht.

Deri tani Hamasi ka pranuar të lirojë pengjet dhe të lejojë qeverisjen e Gazës nga një trupë ndërkombëtare pas ultimatumit që presidenti amerikan Donald Trump i kishte lënë deri të dielën.

Dy vite më vonë , aksioni ushtarak vijon ende, Izraeli nga ana e tij ka vijuar edhe sulmet mbi civilët në Gaza./CNA

 





Lajmet e fundit nga