web counter
LEXO PA REKLAMA!

SHKARKO APP

App Store
Google Play

Indonezi/ Arrin në 54 numri i viktimave nga shembja e shkollës

6 Tetor 2025, 15:12, Kosova & Bota CNA

Indonezi/ Arrin në 54 numri i viktimave nga shembja e shkollës

Autoritetet konfirmuan se numri i të vdekurve nga tragjedia e së hënës që shkoi, tashmë ka shkuar në 54, teksa vijojnë kërkimet për dhjetëra të zhdukur.

Qindra studentë, shumica adoleshentë, ishin mbledhur për të kryer lutjet në Shkollën Islamike me konvikt Al Khoziny, në Java-n Lindore, kur shkolla që ishte në proces ndërtimi, u shemb papritur.

Raportohet që kjo është ngjarja më tragjike gjatë këtij viti dhe priten të nxirren edhe të paktën 13 viktima të tjera nga rrënojat. Hetuesit po kërkojnë shkakun, teksa pista më e besueshme është ajo e themeleve të paqëndrueshme të objektit.

Al Khoziny është një shkollë tradicionale islamike me konvikt në Indonezi, e njohur ndryshe edhe si “pesantren”. Shumë nga këto "pesantren" veprojnë në mënyrë informale, pa rregullore të forta ose monitorim të vazhdueshëm. Nuk është e qartë nëse Al Khoziny kishte leje për të ndërmarrë ndërtime shtesë.

Autoritetet thanë gjatë javës se forma më të cilën ishte shembur objekti, linte pak vend për manovrim nga ekipet e shpëtimit, për të nxjerrë trupat e mbetur nën rrënoja./CNA





Lajmet e fundit nga