web counter
LEXO PA REKLAMA!

SHKARKO APP

App Store
Google Play

Australi/ Një qytetar terrorizon me armë Sydney-n, plagosen 14 persona

6 Tetor 2025, 15:08, Kosova & Bota CNA

Australi/ Një qytetar terrorizon me armë Sydney-n, plagosen 14 persona

Policia e Sydney-t ka deklaruar se vazhdon të mbajë në arrest 60-vjeçarin që gjuajti mbi 50 plumba mbi makinat që ecnin në rrugë, në një lagje mjaft të populluar të qytetit, duke plagosur rëndë një person.

Marrja në pyetje pritet të bëhet sot, për të zbuluar motivin që e detyroi autorin të ndërmarrë këtë sulm, diçka shumë e pazakontë në Australi.

Ngjarja ndodhi dje në darkë në periferi të Croydon Park të Sydney-t, teksa i dyshuari filloi të gjuante me armën e tij në drejtim të automjeteve që ecnin aty pranë. Policia më pas mësyu në ndërtesë duke ndërprerë sulmin dhe neutralizuar autorin.

“Është e pabesueshme që asnjeri nuk vdiq”, deklaron Stephen Parry, mbikëqyrës në detyrë i policisë së Uellsit të Ri Jugor, në një konferencë për shtyp.

Raportohet se një nga viktimat e sulmit u godit në qafë dhe në gjoks dhe u dërgua mënjëherë për të hyrë në operacion pasi ishte në gjendje mjaft kritike. Shërbimet e emergjencës deklarojnë se 14 të tjerë u plagosën dhe morën ndihmat mjekësore në vendngjarje. Dëmtime nga ndërhyrja e forcave policore pati edhe autori i ngjarjes, i cili pas ndihmës në spital u dërgua në rajonin e policisë.

Parry thotë se autori nuk kishte lidhje me krimin e organizuar e as probleme të shëndetit mendor. Ngjarja e fundit e këtyre përmasave në Australi daton në vitin 1996, ku një person vrau 35 njerëz në një sulm në Port Arthur të Tazmanisë. Që atëherë është i ndaluar përdorimi i armëve automatike dhe gjysmëautomatike./CNA





Lajmet e fundit nga