web counter
LEXO PA REKLAMA!

SHKARKO APP

App Store
Google Play

E fundit!

x

U ndaluan nga Izraeli/ Aktivistët spanjollë të Flotiljes mbërrijnë në shtëpi

6 Tetor 2025, 13:31, Kosova & Bota CNA

U ndaluan nga Izraeli/ Aktivistët spanjollë të Flotiljes

21 aktivistë të ndaluar nga Izraeli pas bllokimit të anijeve me ndihma që ishin drejtuar për në Gaza, mbërritën dje në Madrid.

Flotilja me 42 anije dhe 450 aktivistë ishte organizuar të ndihmonte në krizën e madhe humanitare që vazhdon në Gaza. Pas bllokimit, shumica e aktivistëve u dërguan në Izrael, nga e mërkura deri të premten e javës që shkoi. Edhe pas lirimit të 21 spanjollëve, pjesa më e madhe e atyre që ishin nëpër anije vazhdon të mbahet në Izrael.

Shumë familjarë kishin dalë në aeroportin e Madridit për të pritur të afërmit. Gazetari spanjoll Nestor Prieto deklaroi se forcat izraelite kishin drejtuar armët me lazer mbi aktivistët, teksa Ministria e Jashtme Izraelite e përgënjeshtron fuqishëm këtë, duke shtuar se ata që janë ende në Izrael do t’u nënshtrohen procedurave formale të deportimit.

Ben-Gvir, ministri izraelit i Sigurisë Kombëtare, vlerësoi punën e stafit të burgut të Ketziot, duke i etiketuar aktivistët si mbështetës të terrorizmit. Turqia, Greqia, Kolumbia e Pakistani kanë dërguar nota proteste për qytetarët e tyre, pjesë të Flotiljes. Ndërkohë presidenti Trump po bën presion që Izraeli të ndalë sulmet, teksa ky i fundit dhe Hamas kanë rënë dakord pjesërisht për një armëpushim./CNA





Lajmet e fundit nga