E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Bisedimet Izrael - Hamas/ Përfundon pozitivisht dita e parë

7 Tetor 2025, 16:50, Kosova & Bota CNA

Dje në Kairo u mbyll dita e parë e bisedimeve për armëpushimin në Gaza, midis Izraelit dhe Hamasit. Presidenti Donald Trump deklaroi se Hamasi kishte rënë dakord në pika shumë të rëndësishme të marrëveshjes. Atmosfera ishte pozitive dje dhe kjo pritet të vazhdojë edhe ditën e martë, në bisedimet midis dy përfaqësive.

"Egjipti dhe Katari po punojnë shumë me të dyja delegacionet, që të arrihet edhe lirimi i të burgosurve palestinezë dhe pengjeve izraelite.”, raporton Al Qahera News, e lidhur me Shërbimin Inteligjent Egjiptian.

Bisedimet po zhvillohen në praninë e disa negociatorëve. Por palestinezët presin që negociatat të zgjasin me ditë, sipas deklaratës së një personi pranë lidershipit të Hamasit.

Ndërkohë të dërguarit e presidentit Trump, Steve Witkoff dhe dhëndri i tij Jared Kushner, pritet të mbërrijnë në Egjipt. Trump bën thirrje urgjente për arritjen e një marrëveshjeje. Por goditjet mbi Gaza vazhdojnë dhe 7 të vrarë u raportuan nga sulmi i fundit Izraelit.

Kryeministri Netanyahu deklaroi se trupat izraelite do të përparojnë thellë në Gaza, teksa punojnë për lirimin e pengjeve. Nga ana tjetër, zyrtarë të Hamas-it deklarojnë se shkëmbimi pengje-të burgosur s’është i thjeshtë.

“Kjo gjë kërkon disa ditë, varet nga kushtet në terren që lidhen me tërheqjet izraelite, ndërprerjen e bombardimeve dhe pezullimin e të gjitha llojeve të operacioneve ajrore. Negociatat do të synojnë të përcaktojnë datën e një armëpushimi të përkohshëm, përgatitjen e kushteve për planin fillestar, që konsiston në lirimin e 47 pengjeve izraelite në shkëmbim të qindra të burgosurve palestinezë”, deklaron një zyrtar i Hamas.

Në ndihmë të paqes së shumëpritur është edhe Komiteti Ndërkombëtar i Kryqit të Kuq, që tha se ishte gati të ndihmonte me kthimin e pengjeve dhe të të burgosurve dhe të lehtësonte aksesin e ndihmës në të gjithë Gazën, ku OKB-ja ka shpallur zi buke.

Në vazhdën e bisedimeve, Hamas ka deklaruar se do të ndalojë operacionet luftarake nëse Izraeli tërheq trupat dhe ndërpret bombardimet. Por Izraeli paralajmëron se po dështuan negociatat, do të rifillojë luftën.

Plani i Trump për paqen përcakton që Hamas dhe fraksionet e tjera do të kënë asnjë rol në qeverisjen e Gazës, edhe pse Hamasi ka këmbëmgulur për të kundërtën.

Sipas Trump, territori i Gazës do të administrohet nga një organ teknokratik i mbikëqyrur nga një autoritet i përkohshëm i kryesuar nga vetë Trump./CNA