web counter
LEXO PA REKLAMA!

SHKARKO APP

App Store
Google Play

E fundit!

x

Të shtëna me armë zjarri në Kumanovë/ Plagoset një kandidat i BDI-së

7 Tetor 2025, 17:02, Kosova & Bota CNA

Të shtëna me armë zjarri në Kumanovë/ Plagoset një

Të shtëna me armë zjarri janë regjistruar sot në Kumanovë të Maqedonisë së Veriut. Sipas raportimeve të shtënat kanë ndodhur në afërsi të ndërtesës së Fondit Pensoinal. I plagosur ka mbetur një kandidat i Bashkimit Demokratik për Integrim në Likovë për zgjedhjet lokale që do të mbahen më 19 tetor.

Lidhur me ngjarjen ka reaguar vetë BDI, ku i bën thirrje ministrisë së Brendshme dhe Prokurorisë Publike të reagojnë menjëherë dhe të nxjerrin para drejtësisë autorin, i cili ende nuk është identifikuar.

Motivet e plagosjes gjithashtu ende nuk dihen. Sipas informacioneve, i plagosuri ndodhet jashtë rrezikut për jetën. 

"Ne dënojmë ashpër këtë akt barbar dhune dhe kërkojmë nga Ministria e Punëve të Brendshme dhe Prokuroria Publike të reagojnë menjëherë, me transparencë të plotë dhe me vendosmëri, për të identifikuar, arrestuar dhe sjellë para drejtësisë autorët e këtij atentati.

U bëjmë thirrje të gjithë mbështetësve tanë, simpatizantëve dhe qytetarëve në përgjithësi që të ruajnë qetësinë, të mos bien pre e provokimeve dhe të tregojnë maturinë që gjithmonë e ka karakterizuar lëvizjen tonë.

Në shenjë solidariteti me të plagosurin dhe për të theksuar seriozitetin e ngjarjes, partia jonë vendos të pezullojë aktivitetet e ditës sotme, ndërsa institucionet të ndërmarrin hapa konkretë për rikthimin e besimit publik dhe sigurisë në terren", thuhet në reagimin e BDI-së./CNA





Lajmet e fundit nga