web counter
LEXO PA REKLAMA!

SHKARKO APP

App Store
Google Play

Greta Thunberg mbërrin në Greqi/ Bashkë me të edhe 160 aktivistë të deportuar

7 Tetor 2025, 20:31, Kosova & Bota CNA

Greta Thunberg mbërrin në Greqi/ Bashkë me të edhe 160

Greta Thunberg, aktivistja 22-vjecare suedeze, mbërriti në Greqi  të hënën në darkë së bashku me 160 aktivistë të tjerë, pjesë e Flotiljes së nisur për Gaza, të ndaluar nga forcat izraelite.

Aktivistët e pranishëm në aeroportin e Athinës shpalosën një flamur gjigand të Palestinës dhe shpërthyen në brohorimat “Free Palestine” dhe “Long Live The Flotilla” sapo mbërriti Thunberg dhe aktivistët e tjerë të deportuar. Ajo i kërkoi botës të veprojë për të parandaluar genocidin e Izraelit ndaj palestinezëve.

"Kjo është përpjekja më e madhe ndonjëherë për të thyer rrethimin e paligjshëm dhe çnjerëzor të Izraelit nga deti. Që ky mision duhet të ekzistojë është një turp. Ne nuk po shohim as minimumin e domosdoshëm të përpjekjeve nga qeveritë tona", tha Thunberg.

Ndërkohë, Ministria e Jashtme e Greqisë deklaroi se në vend kishin mbërritur 134 aktivistë. Në një tjetër deklaratë për shtyp, Ministria e Jashtme Sllovake tha se një aktivist i atij shtet dhe nëntë të tjerë tashmë ndodheshin në Sllovaki.

Të hënën Izraeli raportoi se kishte deportuar 171 aktivistë drejt Greqisë e Sllovakisë. Flotilja e Ndihmave për Gazën u ndalua pasi shteti izraelit e konsideroi përparimin e anijes drejt Gazës si shkelje të zonës së ndaluar. Më shumë se 470 persona u arrestuan dhe nga ata, pjesa më e madhe tashmë janë deportuar. Në Izrael vazhdojnë të mbeten 138 aktivistët e fundit të Flotiljes./CNA





Lajmet e fundit nga