web counter
LEXO PA REKLAMA!

SHKARKO APP

App Store
Google Play

E fundit!

x

Britani e Madhe/ Policia arreston 46 persona, trafikuan 40 mijë celularë në Kinë

7 Tetor 2025, 21:30, Kosova & Bota CNA

Britani e Madhe/ Policia arreston 46 persona, trafikuan 40 mijë

Policia Metropolitane e Britanisë së Madhe deklaroi sot se përfundoi me sukses kapjen e një grupi ndërkombëtar të krimit të organizuar, që gjatë vitit 2024 kishte trafikuar drejt Kinës mbi 40 mijë aparate celularë.

Ndëshkimi i policisë kishte nisur që vjet, pasi një kuti që përmbante rreth 1 mijë iPhone, shumica e të cilëve të vjedhur, u gjet në një depo pranë aeroportit Heathroë të Londrës, me destinacion Hong Kongun.

Ky veprim ishte edhe pikënisja për të zbuluar pastaj rrjetin ndërkombëtar të trafikut, që mendohet si përgjegjës për rreth 40 % të celularëve të vjedhur në Londër. Njëmbëdhjetë nga arrestimet u bënë kur policia shënjestroi bandat që grabisnin furgonët e korrierëve që po transportonin iPhone 17 të ri, ndërsa dy persona u arrestuan si të dyshuar për pastrim parash pas vjedhjes me vlerë 40,000 £.

Vjet rreth 80,000 celularë u vodhën në Londër, kryesisht në zonat më të populluara me turistë.

“Banda kishte në shënjestër posaçërisht iPhone-ët për shkak të fitimprurshmërisë së tyre jashtë vendit. Hajdutët e rrugës paguheshin deri në 300 paund për çdo telefon të vjedhur, teksa vlera e pajisjeve arrinte deri në 5,000 dollarë në Kinë”, deklaroi policia./ CNA





Lajmet e fundit nga