web counter
LEXO PA REKLAMA!

SHKARKO APP

App Store
Google Play

Greqia shpall rregulla të reja për turistët e infektuar me COVID

8 Korrik 2022, 19:59, Kosova & Bota CNA
Greqia shpall rregulla të reja për turistët e infektuar me COVID
Foto ilustruese

Një vendim i ri i qeverisë i lëshuar nga autoritetet greke në fillim të kësaj jave ka përcaktuar se turistët që infektohen me sëmundjen COVID-19, ndërsa ndodhen në Greqi nuk do t'u kërkohet të futen në karantinë.

Sipas një vendimi për protokollin shëndetësor të nxjerrë nga ministrat e turizmit, shëndetësisë dhe ekonomisë për funksionimin e bizneseve turistike gjatë COVID-19 për vitin 2022, nuk do të ketë më dhoma karantine në hotele.

Kjo do të thotë që udhëtarëve që infektohen me virusin nuk do t'u kërkohet më të respektojnë rregullat e izolimit gjatë qëndrimit në Greqi, raporton "SchengenVisaInfo.com".

Për më tepër, rregulli aktual që kërkon që të gjithë të infektuarit me virus të qëndrojnë në karantinë për një periudhë prej pesë ditësh, nuk zbatohet për udhëtarët, shpjegon "GTP".

E njëjta vëren se në përputhje me protokollet e reja, udhëtarët në Greqi do të mund të zgjedhin nëse duan të qëndrojnë në izolim për numrin e ditëve që kanë rezervuar, që do të thotë se ata që nuk duan nuk do të jenë të detyruar.

Përveç sa më sipër, është shpjeguar se turistët e infektuar me COVID-19 do të kenë mundësi të aksesojnë edhe tragetet, avionët dhe forma të tjera transporti. Megjithatë, ata duhet të mbajnë një maskë fytyre FFP2 ose KN95 gjatë gjithë kohës.

Greqia hoqi të gjitha kufizimet e hyrjes në lidhje me COVID-in më herët në maj. Që atëherë, të gjithë udhëtarët, pavarësisht nga vendi i tyre i origjinës, u lejohet hyrja pa kufizime.

Megjithatë, pavarësisht se nuk kërkohet më një certifikatë vaksinimi, rikuperimi ose testimi nga udhëtarët, autoritetet së shpejti mund t'i këshillojnë të gjithë të mbajnë një maskë për fytyrën kur marrin pjesë në ambiente të ndryshme publike të brendshme pasi rastet e infeksionit COVID janë rritur në dy javët e fundit./CNA.al





Lajmet e fundit nga