web counter
LEXO PA REKLAMA!

SHKARKO APP

App Store
Google Play

E fundit!

x

"Sulmet nuk janë ndalur"/ Ukraina dhe Rusia akuzojnë njëra-tjetrën për shkelje të armëpushimit

9 Maj 2026, 22:13, Kosova & Bota CNA

"Sulmet nuk janë ndalur"/ Ukraina dhe Rusia akuzojnë

Ukraina dhe Rusia kanë shkëmbyer akuza për shkelje të një armëpushimi treditor të ndërmjetësuar nga Shtetet e Bashkuara të Amerikës dhe të shpallur nga Presidenti i SHBA-së Donald Trump.

"Që nga fillimi i ditës, numri i sulmeve të kryera nga agresori ka arritur në 51", tha Shtabi i Përgjithshëm i Forcave të Armatosura të Ukrainës. Forcat Ajrore Ukrainase raportuan 44 mjete ajrore pa pilot të lëshuara nga Rusia që nga e premtja.

Nga ana tjetër, Ministria ruse e Mbrojtjes deklaroi se pavarësisht shpalljes së armëpushimit, grupet e armatosura ukrainase nisën sulme me ndihmën e dronëve dhe artilerisë kundër pozicioneve të trupave të tyre, pa dhënë një numër të saktë.

Sipas autoriteteve lokale, dronët e nisur nga Rusia vranë dy civilë dhe plagosën tre në rajonet Zaporizhia dhe Dnipropetrovsk të Ukrainës qendrore. Në rajonin rus të Belgorodit, në kufi me Ukrainën, tre persona u plagosën në një sulm me dron ukrainas, sipas guvernatorit rajonal Vyacheslav Gladkov.

Pas dy përpjekjeve për armëpushim, një nga Ukraina dhe më pas nga Rusia, të cilat nuk u respektuan këtë javë, presidenti amerikan njoftoi dje, të premten në mbrëmje, një armëpushim tre-ditor midis Ukrainës dhe Rusisë që hyri në fuqi sot.

Menjëherë pasi mesazhi i Donald Trump u bë publik, Kievi dhe Moska konfirmuan se kishin pranuar armëpushimin dhe shkëmbimin e 1000 të burgosurve nga secili prej vendeve. /CNA





Lajmet e fundit nga