web counter
LEXO PA REKLAMA!

SHKARKO APP

App Store
Google Play

E fundit!

x

Në zgjedhjet e 7 qershorit me LDK-në/ Vjosa Osmani: Dëgjova zërin e qytetarëve

9 Maj 2026, 19:51, Kosova & Bota CNA

Në zgjedhjet e 7 qershorit me LDK-në/ Vjosa Osmani: Dëgjova

Ish-presidentja e Kosovës, Vjosa Osmani ka reaguar përmes një video mesazhi pas bashkimit me LDK për zgjedhjet e parakohshme që do të mbahen më 7 qershor.

Osmani shprehet se dëgjoi zërin e qytetarëve që ka takuar prej disa muajsh, që i kanë kërkuar të rikthehet në LDK. Ndërkohë më tej bën thirrje për pjesë në tubimin e nesërm të LDK-së që do mbahet në AMC Hall duke filluar në orën 18:00.

“Për muaj të tërë kam ecur në çdo cep të Kosovës. Jam mirëpritur në shtëpitë tuaja, kam dëgjuar hallet tuaja, kam parë zhgënjimin në sytë e njerëzve të ndershëm. Kam parë një gjë që ende nuk është shuar, shpresën. Ju më folët me një zë, me u rikthy në LDK. Ju dëgjova prandaj po bashkohemi. Për të nisur këtë rrugëtim të ri të bashkimit ju ftoj nesër, të dielën, në orën 18:00 në AMC Hall, le t’i bashkojmë zemrat dhe ëndrrat, le të bashkohemi të gjithë’’, ka thënë Osmani.

Kreu i LDK-së, Lumir Abdixhiku konfirmoi se Osmani do të jetë bartëse e listës zgjedhore dhe kandidatja e propozuar për presidente, ndërsa ai vetë do të garojë për postin e kryeministrit. Sipas Abdixhikut, vendimi është miratuar unanimisht dhe në listën zgjedhore të LDK-së do të përfshihen edhe 19 kandidatë të propozuar nga Osmani. /CNA





Lajmet e fundit nga