web counter
LEXO PA REKLAMA!

SHKARKO APP

App Store
Google Play

E fundit!

x

LDK zyrtarizon Vjosa Osmanin për zgjedhjet e 7 qershorit

9 Maj 2026, 14:49, Kosova & Bota CNA

LDK zyrtarizon Vjosa Osmanin për zgjedhjet e 7 qershorit

Lidhja Demokratike e Kosovës ka zyrtarizuar marrëveshjen për garim të përbashkët me Vjosa Osmanin në zgjedhjet e parakohshme parlamentare të 7 qershorit.

Vendimi u mor gjatë mbledhjes së Këshillit të Përgjithshëm të LDK-së, ku kryetari i partisë, Lumir Abdixhiku, konfirmoi se Osmani do të jetë bartëse e listës zgjedhore dhe kandidatja e propozuar për presidente, ndërsa ai vetë do të garojë për postin e kryeministrit.

Sipas Abdixhikut, vendimi është miratuar unanimisht dhe në listën zgjedhore të LDK-së do të përfshihen edhe 19 kandidatë të propozuar nga Osmani.

Në mesin e emrave që pritet t’i bashkohen këtij projekti politik janë Fahrie Hoti, Jeta Statovci dhe Albena Reshitaj.

Osmani ishte një nga figurat më të votuara të LDK-së para largimit nga partia, ndërsa më pas garoi në koalicion me Albin Kurtin dhe Lëvizjen Vetëvendosja në zgjedhjet e vitit 2021. Pas kësaj, ajo themeloi subjektin politik Lista Guxo dhe u zgjodh presidente e Kosovës.

Ndërkohë, edhe LVV-ja ka zyrtarizuar sërish Kurtin si kandidat për kryeministër në zgjedhjet e 7 qershorit. Gjatë mbledhjes së Këshillit të Përgjithshëm të partisë, Kurti deklaroi se synon të marrë 60 për qind të votave në këto zgjedhje.

LVV-ja ka konfirmuar gjithashtu vazhdimin e koalicionit me Lista Guxo, Alternativa dhe Partia Shqiptare Demokristiane./ CNA





Lajmet e fundit nga