Escobar: Asociacioni nuk varet nga Kurti, do të bëhet

6 Qershor 2023, 10:31, Kosova & Bota CNA

I dërguari i posaçëm i SHBA-së për Ballkanin Perendimor, Gabriel Escobar, ka kërkuar që Prishtina të dalë me një propozim për të formuar asociacionin serb të komunave.

Ndërkohë nga ana tjetër Beogradi duhet të jetë i qartë dhe të sinjalizojë se dhuna nuk do të pranohet.

Në një intervistë të dhënë për “Die Presse”, Escobar ka thënë se Kosova duhet të marrë një qëndrim dhe të paraqesë një projektmarrëveshje.

“Ne duhet të thyejmë ciklin e dhunës. Qeveria e Kosovës nuk duhet t’i detyrojë kryetarët shqiptarë në veri të kalojnë nëpër zyra komunale, të cilat janë kaq simbolike për serbët. Megjithatë, puna administrative duhet të vazhdojë. Udhëheqja e Serbisë, nga ana tjetër, duhet të dërgojë mesazhin e qartë: Dhuna nuk do të tolerohet kundër forcës paqeruajtëse të KFOR-it apo edhe kundër policisë. Dhe atëherë duhet të kërkojmë një mënyrë për të krijuar besim më të madh edhe nëse kjo do të thotë zgjedhje të reja për kryetar bashkie”, ka thënë Escobar.

Lidhur me kërkesën e Serbisë për krijimin e një asociacioni serb të komunave në Kosovë të cilën Kosova e refuzon dhe ngre shqetësimin se kjo mund të çojë në një republikë të re serbe, e cila më pas do ta bllokonte shtetin si në Bosnje dhe Hercegovinë.

Escobar tha se Kjo nuk do të jetë një republikë e re serbe si Bosnja dhe Hercegovina. Themelimi i Asociacionit Serb të Komunave në Kosovë sipas tij është një angazhim ndërkombëtar, ligjërisht i detyrueshëm.

“Ato përmenden në Marrëveshjen e Brukselit, Konkluzionet e Këshillit Evropian dhe Marrëveshjen e Ohrit. Dhe ka gjithashtu një angazhim të SHBA për këtë.

Pra, Asociacioni Serb i Komunave duhet të vijë. Pyetja është: si do të duket? Nëse Kosova nuk dëshiron një Republikë të re Serbe si Bosnja, duhet të na japë një ide se çfarë dëshiron. Na thanë atë që nuk duan. Tani ata duhet të na thonë se çfarë duan.

Ne jemi duke pritur për këtë. Kosova duhet të lëvizë menjëherë këtu dhe të na japë një projektmarrëveshje. Për shkak të Marrëveshjes së Ohrit.

Kjo është një çështje ndërmjet Republikës së Kosovës dhe Republikës së Serbisë. Edhe nëse nuk do Kurti, ky Asociacion do të bëhet. Pyetja është: a dëshiron Kosova të presë integrimin euroatlantik derisa kryeministri i saj të përmbushë detyrimet e tij ligjore?”, tha Escobar./ CNA.al