E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Dy vrasje në më pak se 24 orë/ Ja kush e ekzekutoi Nevila Pjetrin në Itali

7 Qershor 2022, 20:21, Kosova & Bota CNA

Dy vrasje në më pak se 24 orë/ Ja kush e ekzekutoi Nevila Pjetrin

Është zbuluar identiteti i personit që ka vrarë shqiptaren Nevila Pjetri dy ditë më parë në Itali.

"La Repubblica" bën me dije se ai është Daniele Bedini me precedentë penalë për grabitje dhe i akuzuar për dy vrasje të zbuluara në zonën e Sarzanas, në një hark kohor prej 24 orësh.

Bedini është 32 vjeç dhe banues në Aulla dhe prej mëngjesit të kësaj të marte po hetohet për vrasjen e Nevila Pjetrit, prostitutës shqiptare 35 vjeçe, e cila u gjet e masakruar në orët e para të së dielës në shtratin e lumit Parmignola në Marinella di Sarzana.

Hetuesit ranë në gjurmët e tij nëpërmjet pamjeve të kapura nga kamerat e sigurisë dhe falë hetimeve të kryera të dielën dhe ditën e djeshme. Për momentin, shkruan "La Repubblica", i riu është i dyshuar vetëm për vrasjen e parë, atë të Nevilës.

Bedini mësohet se po merret në pyetje që prej mesditës së sotme. Hetuesit dyshojnë se 32-vjeçari mund të ketë kryer vrasje për herë të dytë, për të eliminuar personin që e kishte parë 2 ditë më parë, teksa shqiptarja futej në makinën e tij.

Teksa trupi i pajetë i Nevilës u gjet rreth orës 02:00 të së dielës, mbrëmjen e së martës u gjet trupi i një transeksuali.

Ai quhej Carlo Bertolotti, 43 vjeç dhe me profesion parukier. Sipas hetuesve, ai u vra në mënyrë të ngjashme me Nevilën. Transeksuali u gjet rreth 3 kilometra larg vendit ku u gjet shqiptarja.

Bertolotti ushtronte prostitucion në periferi të Sarzanas. Trupi i tij u gjet në afërsi të një automjeti të braktisur, që rezultoi se i përkiste viktimës. Në trupin e tij kishte shenja të dukshme dhune.

Kishin qenë miqtë e tij që kishin denoncuar zhdukjen e 43-vjeçarit dhe momentalisht nuk përjashtohet mundësia që mund të jetë vrarë të njëjtën natë me Nevilën ose të hënën.

Fillimisht policia mësohet se gjeti makinën e viktimës, brenda së cilës u zbuluan shenja gjaku. Vetëm disa orë më pas policia zbuloi trupin e tij të pajetë.

Autopsia e Nevila Pjetrit: Shqiptarja u vra me dy plumba pistolete të kalibrit 22 në kokë. Është kjo përgjigjja e autopsisë. U qëllua fillimisht nga para, ndërsa plumbin tjetër e mori pas veshit të majtë. Mbetet ende për t’u sqaruar nëse 35-vjeçarja është vrarë në vendin ku u gjet apo diku tjetër./E.K-CNA.al