web counter
LEXO PA REKLAMA!

SHKARKO APP

App Store
Google Play

E fundit!

x

Do të jetë në burg përjetë, Babis Anagnostopoulos ka një kërkesë, do të studiojë… juridik!

7 Qershor 2022, 19:50, Kosova & Bota CNA
Do të jetë në burg përjetë, Babis Anagnostopoulos ka
Babis Anagnostopoulos

Zbardhen dy kërkesat e Babis Anagnostopoulos në 24 orët e para në burgun e Malandrinos. Piloti, i cili u dënua për vrasjen e bashkëshortes së tij, Caroline Crouch, u transferua në burgun e Malandrinos në Fokida nga dje, 6 qershor 2022, pas refuzimit të kërkesës së tij për të qëndruar në Korydallos për arsye sigurie.

Aktualisht është vendosur në karantinë prej tri ditësh, në kuadër të masave mbrojtëse nga koronavirusi, më pas do të vendoset në qeli. Sipas "STAR", ai është nën vëzhgim të shtuar, për shkak të kërcënimit që dyshohet se kishte 8 muaj më parë, kur një tjetër i burgosur e kërcënoi se do ta vriste.

Por Babis Anagnostopoulos pati dy kërkesa me të mbërritur në burg. Ai i kërkoi menaxhmentit të punonte me kohë të pjesshme, e kjo kërkesë po shqyrtohet, pasi prej gjashtë muajsh është disiplinuar, sepse u kap me celular në qelinë e burgut të Korydallos.

Kërkesa e tij e dytë ka të bëjë me studimet. Piloti kërkon të japë provimet kombëtare (si Matura Shtetërore në Shqipëri) për të hyrë në Fakultetin e Drejtësisë. Mbetet e panjohur aryesja se pse ai do të studiojë këtë degë, por do të ketë kohë të mjaftueshme për të studiuar ç'të dojë. 

Babis Anagnostopulos u arrestua më shumë se një muaj pasi mbyti të shoqen në fillim të muajit maj, pasi u mundua ta fshihte krimin, duke sajuar një grabitje me protagonistë shqiptarë. 38-vjeçari pretendon se vrau të shoqen pasi kjo e fundit i kishte kërkuar divorcin. Ndërkohë që me autorin në burg, u përfol edhe për bashkëpunëtorë, por nuk u gjet asnjë provë./CNA.al





Lajmet e fundit nga