web counter
LEXO PA REKLAMA!

SHKARKO APP

App Store
Google Play

E fundit!

x

Dani Alves dënohet me katër vjet e gjysmë burg për përdhunimin e një vajze

22 Shkurt 2024, 14:36, Kosova & Bota CNA
Dani Alves dënohet me katër vjet e gjysmë burg për
Dani Alves

Një gjykatë në Spanjë ka shpallur fajtor ish-futbollistin e Barcelonës dhe Brazilit, Dani Alves për përdhunimin e një gruaje në një klub nate. Ai është dënuar me katër vjet e gjysmë burg, raporton BBC. 

40-vjeçari, i cili është një nga futbollistët më të dekoruar në histori, kishte mohuar të kishte sulmuar seksualisht gruan në orët e para të 31 dhjetorit 2022.

Avokati i tiJ kërkuar lirimin nga burgu dhe tha se do të apelonte kundër vendimit.

Prokuroria kërkoi dënimin me nëntë vjet burg. Sipas mediave spanjolle, gjykata mori parasysh vendimin e Alves për t'i paguar viktimës 150,000 euro si dëmshpërblim, pavarësisht nga rezultati i gjyqit kur vendosi për kohëzgjatjen e burgut të tij.

Gruaja e tij Joana Sanz, 31, tha se ai ishte dukur shumë i dehur kur u kthye në shtëpinë e tyre në Barcelonë natën e përdhunimit dhe ishte përplasur me mobiljet para se të rrëzohej në shtrat.

Por gjykata argumentoi se konsumimi i tij i alkoolit nuk kishte ndikuar në sjelljen e tij. Prokurorët thanë se Alves dhe shoku i tij kishin blerë shampanjë për tre vajza të reja përpara se të joshin njërën prej tyre në një zonë VIP të klubit të natës me një tualet për të cilin ajo nuk kishte njohuri.

Ato argumentuan se pikërisht në këtë moment ai u bë i dhunshëm, duke e detyruar gruan të bënte seks pavarësisht kërkesave të saj të përsëritura për t'u larguar./CNA





Lajmet e fundit nga