web counter
LEXO PA REKLAMA!

SHKARKO APP

App Store
Google Play

E fundit!

x

"Ballkani i Hapur"/ Këshilltari i Albin Kurtit “shigjeton” Ramën

8 Qershor 2022, 20:59, Kosova & Bota CNA
"Ballkani i Hapur"/ Këshilltari i Albin Kurtit
Këshilltari i Albin Kurtit

Jeton Zulfaj, këshilltari i Kryeministrit të Kosovës Albin Kurti, ka komentuar nisëm e "Ballkanit të Hapur", e cila këtë herë u mbajt në Ohër.

Kosova, edhe në këtë takim nuk ishte e pranishme, ndërsa këshilltari i Kurtit e ka cilësuar këtë nismë si një projekt politik.

“Kosova nuk është pjesë dhe nuk do të marrë pjesë në këtë iniciativë sepse është dyfishim i panevojshëm”, është shprehur ai.

Këshilltari i Kurtit tha se kjo nismë që është prezantuar sot në Ohër, ishte vazhdimësi e asaj që pamë në Novi Sad me Mini-Schengenin që u shndërrua në 'Open Balkan', por rrënjët i kishte në vitin 2017 tek Unioni Doganor, të cilin e kishte prezantuar presidenti i Serbisë, Aleksandar Vuçiç, e për të cilën edhe ministri i jashtëm rus, Lavrov, tha se ishte nismë e Serbisë.

Sipas Zulfajt, Serbia nuk e pranon si palë të barabartë Kosovën, prandaj nuk mund të marrim pjesë në nismën e "Ballkanit të Hapur".

“Ndërsa në procesin e Berlinit, jemi si palë e barabartë. Aty e kemi të garantuar barazinë, sepse jemi edhe me miqtë e partnerët tanë ndërkombëtarë, e kemi tregun e përbashkët rajonal me katër liritë dhe aty synojmë të arrijmë marrëveshjet”, tha ai.

Sipas tij, është e pakuptueshme pse Shqipëria e shtyn përpara me krenari këtë iniciativë, kur është në dëm të shtetësisë së Kosovës.

“Kryeministri Kurti, mbrojtjen e pavarësisë dhe sovranitetit e ka në mënyrë parimore, e kemi të bërë në secilin prej takimeve të cilat janë dëmet dhe rreziqet që vijnë prej Serbisë në mënyrë të vazhdueshme, prandaj është e pakuptueshme pse Shqipëria e shtyn përpara me krenari këtë iniciativë, kur është në dëm të shtetësisë së Kosovës”, ka thënë Zulfaj./E.K-CNA.al





Lajmet e fundit nga