web counter
LEXO PA REKLAMA!

SHKARKO APP

App Store
Google Play

E fundit!

x

“Ministrja është në aeroplan”/ Korreshi: Kuzhina, magazina dhe lavanderia e Spitalit të Lushnjës në myk e lagështi

2026-05-21 11:15:00, Politikë CNA

“Ministrja është në aeroplan”/ Korreshi: Kuzhina,

Deputeti demokrat Saimir Korreshi ngriti sërish sot në Kuvend situatën me Spitalin e Lushnjës.

Sipas Korreshit, nga verifikimet por edhe raporti i auditit shtetëror, ambientet e kuzhinës, magazinës dhe lavanderisë së këtij spitali janë në kushte të këqija, me myk, lagështi dhe mungesë mirëmbajtjeje.

Korreshi theksoi se këto kushte alarmante po rrisin rrezikun e infeksioneve për punonjësit dhe pacientët.

Në fund, depueteti iu drejtua Ministres së Shëndetësisë, Evis Sala, për neglizhencë të shërbimeve që ofrohen nga institucionet nën varësinë e saj.

“Pyetja ime e parë për ju është a keni ngrënë mëngjes? Se unë po ju ofroj mëngjesin e Spitalit të Lushnjës të pacientëve. Dhe nga auditi që keni bërë ju, në punë nuk është kuzhiniere, por infermiere. Çfarë do të bëjë? Do të presë një fetë bukë dhe do të mbushë një gotë kos. Kur u audituan ambientet e Spitalit të Lushnjës, rezultoi se magazina qëndrore, lavanderia dhe kuzhina ishin në kushte të këqija. Muret me lagështi, myk dhe të pamirëmbajtura. Kushtet e gatimit dhe lavanderisë ishin të papërshtatshme, duke rritur rrezikun e infeksioneve për punonjësit dhe pacientët. Pse nuk vini me mua dorë për dore që të vizitojmë ambientet e Spitalit të Lushnjës? Çfarë pune bën Ministrja e Shëndetësisë? Rrinë në aeroplan apo duhet të vizitojë edhe spitalet e saj që ka nën varësinë e saj”,-tha Korreshi./CNA





Lajmet e fundit nga