web counter
LEXO PA REKLAMA!

SHKARKO APP

App Store
Google Play

E fundit!

x

Ndërtimi po shkon drejt shtrenjtimit/ Bie çmimi i materialeve, por rritet kostoja për krahun e punës

8 Qershor 2026, 10:44, Ekonomi CNA

Sektori i ndërtimit po kalon një periudhë sfiduese. Edhe pse çmimet e materialeve të ndërtimit kanë shënuar një rënie të lehtë gjatë fillimit të vitit 2026, kostoja totale për të ndërtuar një banesë vazhdon të rritet duke krijuar një presion të ri në treg.

Shkaku kryesor i kësaj rritjeje janë pagat e punëtorëve, të cilat janë shtrenjtuar me rreth 4,8% krahasuar me një vit më parë, sipas të dhënave më të fundit nga INSTAT.

Ndërtimi po shkon drejt shtrenjtimit/ Bie çmimi i materialeve, por

Ndërtuesit po përballen me vështirësi në gjetjen e fuqisë punëtore, ndërsa përveç pagave rritje kanë pësuar edhe shpenzimet e transportit dhe kostot e tjera administrative.

Nga ana tjetër ulja e çmimit të materialeve si betoni, tullat apo pajisjet hidrosanitare nuk ka mjaftuar për të amortizuar rritjen e kostove të punës.

Ndërsa materialet po bëhen më të aksesueshme, menaxhimi i kantiereve po bëhet një biznes gjithnjë e më i kushtueshëm.

Për blerësit e apartamenteve, ky raport tregon se ndërtuesit po hasin vështirësi të reja që nuk lidhen vetëm me tregun ndërkombëtar të lëndëve të para, por me tregun e brendshëm të punës.

Sektori po transformohet në një biznes ku mungesa e fuqisë punëtore po kushton më shumë se tullat dhe hekuri, gjë që mund të ndikojë drejtpërdrejt në çmimet finale të banesave për qytetarët./ CNA





Lajmet e fundit nga