web counter
LEXO PA REKLAMA!

SHKARKO APP

App Store
Google Play

Dorëzohet projektligji/ Pensionistët që punojnë, të përjashtohen 4 vite nga sigurimet

2 Qershor 2026, 16:12, Ekonomi CNA
Dorëzohet projektligji/ Pensionistët që punojnë, të
Foto ilustruese

Deputeti i PD-së Igli Cara ka depozituar në Kuvend projektligjin i cili parashikon lehtësimin financiar për pensionistët që vazhdojnë të punojnë.

Ky projektligj parashikon ndryshime dhe shtesa në ligjin ekzistues për sigurimet shoqërore, ku kërkohet një përjashtim katërvjeçar nga detyrimi për të paguar kontributet e sigurimeve shoqërore në degën e pensioneve për të gjithë pensionistët që ushtrojnë aktivitete si të vetëpunësuar, tregtarë, profesionistë të licencuar apo zejtarë.

Sipas relacionit shpjegues të hartuar nga deputeti Cara, ky përjashtim do të aplikohet vetëm për degën e pensioneve dhe nuk do të prekë detyrimet e tjera ligjore që rrjedhin nga marrëdhënia e punës, ndërsa kjo periudhë katërvjeçare nuk do të njihet si periudhë sigurimi për përfitime shtesë apo rillogaritje të pensionit ekzistues.

Qëllimi kryesor i kësaj nisme është krijimi i një instrumenti stimulues për nxitjen e pjesëmarrjes aktive të moshës së tretë në tregun e punës.

Sipas të dhënave rreth 13,000 mijë pensionistë aktivë në Shqipëri detyrohen të paguajnë kontribute ndonëse janë në pension.

Sa i përket ndikimit në financat publike, sqarohet se projektligji mund të sjellë një ndikim të kufizuar afatshkurtër në të ardhurat nga kontributet, për të cilat sugjerohet marrja e një mendimi nga ministria përgjegjëse për financat, por ky efekt pritet të kompensohet plotësisht në afat të mesëm.

Ky kompensim parashikohet të vijë përmes rritjes së formalizimit dhe të ardhurave tatimore indirekte, pasi transaksionet e faturuara dhe konsumi i shtuar i kësaj kategorie do të ndikojnë pozitivisht në buxhet, duke e bërë efektin neto neutral ose pozitiv./ CNA





Lajmet e fundit nga