web counter
LEXO PA REKLAMA!

SHKARKO APP

App Store
Google Play

Inflacioni në Eurozonë rritet në 3.2% në maj, ndikim nga çmimet e energjisë

2 Qershor 2026, 13:54, Ekonomi CNA

Inflacioni në Eurozonë rritet në 3.2% në maj, ndikim nga

Inflacioni vjetor në Eurozonë u rrit në 3.2% në maj, nga 3.0% në prill, sipas vlerësimit paraprak të publikuar nga Eurostat.

Rritja u ndikua kryesisht nga çmimet e energjisë, të cilat shënuan normën më të lartë vjetore të inflacionit, me 10.9%, pak më lart se 10.8% në muajin prill. Edhe inflacioni në shërbime u përshpejtua, duke arritur në 3.5%, nga 3.0% një muaj më parë.

Ndërkohë, çmimet e ushqimeve, alkoolit dhe duhanit u ngadalësuan në 2.0%, nga 2.4% në prill, ndërsa mallrat industriale joenergjetike regjistruan një rritje më të lehtë, prej 0.9%, nga 0.8%.

Normat e inflacionit ndryshuan ndjeshëm mes vendeve të Eurozonës. Në Gjermani, ekonomia më e madhe e Evropës, inflacioni vjetor ra në 2.7%, nga 2.9% në prill. Në Francë, inflacioni u rrit në 2.8%, nga 2.5%, ndërsa në Greqi dhe Lituani norma vjetore kaloi nivelin 5%.

Të dhënat vijnë në një kohë kur Banka Qendrore Evropiane po shqyrton hapat e ardhshëm për politikën monetare, me synimin për ta mbajtur inflacionin pranë objektivit prej 2%. Një rritje e mëtejshme e normave të interesit do të synonte frenimin e kërkesës dhe stabilizimin e çmimeve në ekonominë e bllokut europian, sipas analizës së publikuar nga CNBS. 

Në prill, inflacioni në Eurozonë u rrit në 3.0%, nga 2.6% në mars. Para shpërthimit të konfliktit në Iran, inflacioni kishte rënë nën pragun 2%.

Europa mbetet veçanërisht e ndjeshme ndaj goditjeve në energji, pasi është importuese neto e energjisë.

Sipas të dhënave të LSEG, tregjet aktualisht vlerësojnë me 94% mundësinë që BQE të rrisë normën kryesore të interesit me 25 pikë bazë në mbledhjen e saj më vonë këtë muaj.





Lajmet e fundit nga