web counter
LEXO PA REKLAMA!

SHKARKO APP

App Store
Google Play

Çmimet rekord/ Banka e Shqipërisë rrit me 0.5% normën e interesit

3 Gusht 2022, 16:41, Ekonomi CNA
Çmimet rekord/ Banka e Shqipërisë rrit me 0.5% normën e
Gent Sejko

Guvernatori i Bankës së Shqipërisë, Gent Sejko, pas mbledhjes së sotme të Këshillit Mbikëqyrës, deklaroi se inflacioni në vendin tonë do të mbetet në nivele të larta përgjatë vitit 2022.

Në një konferencë për mediat, ai u shpreh se inflacioni pritet të nisë uljen përgjatë vitit 2023, por në varësi të situatës së çmimeve në tregjet e huaja.

Gjithashtu ai bëri me dije se Këshilli Mbikëqyrës i Bankës së Shqipërisë, vendosi të rrisë normën bazë të interesit me 0.5%.

“Rritja e çmimeve është e konsiderueshme në të gjitha produktet e shportës. Çmimet në tregjet botërore po rriten prej luftës në Ukrainë, bankat kanë rritur normat e interesit dhe pasiguria mbetet e lartë. Inflacioni do të kulmojë këtë 6 mujor të dytë. Ne do të normalizojmë politikën monetare, për të mbajtur nën kontroll inflacionin. Inflacioni do kthehet në objektiv në vitin 2024, por projeksionet janë në përditësim në varësi të situatës. Nivelet e larta të inflacionit janë rrziku kryesor për ekonominë e vendit. Për këtë arsye, në respektim të objektivit të stabilitetit të çmimeve, Këshilli Mbikëqyrës vendosi:

-të rrisë me 0. 5 pikë përqindjeje normën bazë të interesit, nga niveli 1.25% në nivelin 1.75%;

-të rrisë me 0.5 pikë përqindjeje normën e interesit të kredisë njëditore, nga niveli 2.25% në nivelin 2.75%;

-të rrisë me 0.5 pikë përqindjeje normën e interesit të depozitës njëditore, nga niveli 0.25% në nivelin 0.75%. Këshilli Mbikëqyrës do të monitorojë me kujdes dinamikën e presioneve inflacioniste në periudhën në vijim. Ai mbetet i gatshëm të ndërhyjë në kohën dhe me forcën e duhur për të garantuar stabilitetin e çmimeve në vend”, tha Sejko.” – tha Sejko./CNA.al





Lajmet e fundit nga