FMN, parashikime të zymta/ Ngecin tri ekonomitë më të mëdha të botës

26 Korrik 2022, 19:29, Ekonomi CNA
FMN, parashikime të zymta/ Ngecin tri ekonomitë më të
Fondi Monetar Ndërkombëtar

Fondi Monetar Ndërkombëtar ka bërë parashikime të zymta për ekonominë globale, e cila ende pa u rimëkëmbur mirë nga pandemia, u ndikua nga lufta Rusi-Ukrainë.

FMN parashikon se ekonomia globale është në prag të recesionit, pasi tri ekonomitë më të mëdha të botës SHBA, Kina dhe Europa kanë ngecur.

Gjithashtu edhe inflacioni është më i lartë se parashikimi i mëparshëm.

“Ekonomia globale ende po rimëkëmbet nga pandemia dhe pushtimi i Ukrainës. Tani jemi përballë parashikimeve të zymta dhe jo të sigurta. Rritja globale është ulur në 3.2% këtë vit dhe 2.9% vitin e ardhshëm, ndërsa inflacioni është rishikuar në 6.6% në ekonomitë e përparuara dhe 9.5% në ekonomitë e vendeve në zhvillim. Tre ekonomitë më të mëdha të botës, Shtetet e Bashkuara, Kina dhe Europa, kanë ngecur”, u shpreh Pierre-Olivier Gourinchas, krye-ekonomist i FMN-së.

FMN uli parashikimet për vitet 2022 dhe 2023 dhe deklaroi se rritja ekonomike do të ketë një ngadalësim të theksuar./ B.A. – CNA.al

Lajmet e fundit nga