Euro rritet në bursa, por nuk lëviz në tregun e brendshëm

22 Korrik 2022, 20:58, Ekonomi CNA
Euro rritet në bursa, por nuk lëviz në tregun e brendshëm
Foto ilustruese

Monedha europiane është forcuar në tregjet e huaja pas vendimit të Bankës Qëndrore Europiane për rritjen me 0.5% të normës bazë të interesit të euros.

Vendimi forcoi euron ndaj të gjitha monedhave ndërkombëtare.

Euro tashmë ia ka kaluar dollarit amerikan duke kushtuar 1.02 dollarë dhe ka fituar pikë edhe ndaj paundit, jenit japonez dhe frangës zviceriane.

Por e kundërta ka ndodhur në tregun vendas. Leku ka vijuar të mbiçmohet ndaj monedhës europiane, e cila sot ka zbritur në vlerën 116.8 lekëve.

Shkak për këtë situatë është efekti sezonal, ku gjithmonë në periudhën e verës ka prurje të euros nga fluksi  turistëve dhe emigrantëve, por edhe sepse në tregun vendas ndryshimet në Eurozonë reflektohen me vonesë për shkak të ekonomisë së vogël.

Dollari amerikan është rritur ditën e sotme në tregun vendas, duke arritur 115.1 lekë, paundi vlerësohet me 137.6 lekë dhe franga me 119 lekë./CNA.al

Lajmet e fundit nga