web counter
LEXO PA REKLAMA!

SHKARKO APP

App Store
Google Play

E fundit!

x

Amnistia e plotë fiskale/ 4 arsyet pse duhet

15 Korrik 2022, 12:10, Ekonomi CNA

Amnistia e plotë fiskale/ 4 arsyet pse duhet

Ministri i Drejtësisë, Ulsi Manja, ka dhënë katër arsye se përse duhet amnistia fiskale.

Gjatë takimit konsultues me bizneset, Manja ka thënë se sot janë kapacitetet e duhura administrative dhe tatimore për të mbikëqyrur si duhet këtë proces.

“Ne kemi menduar që të jetë një amnisti e plotë fiskale dhe penale. Pyetja shtrohet pse Shqipëria sot ka ardhur në variantin për të pasur amnisti të plotë? Kemi pasur amnisti të pjesshme penale, por kanë qenë nisma të dështuara”, është shprehur Manja, duke renditur më tej katër arsyet.

4 arsyet

1-Reforma në drejtësi ka krijuar mekanizmat e duhur ligjorë për të pasur një amnisti të plotë fiskale. Sot Shqipëria ka një kuadër të plotë ligjor për të parandaluar pastrimin e parave.

2-Sot kemi kapacitetet e duhura administrative dhe tatimore për të mbikëqyrur si duhet këtë proces.

3-Shqipëria nga 1 maji ka hyrë në digjitalizimin e të gjitha shërbimeve publike, për shkak të këtij digjitalizimi jemi në gjendje ta monitorojmë si duhet këtë proces.

4-Rama e ka bërë qartë që ne do bashkëqeverisim me qytetarët. Këshillimi Kombëtar ishte një proces konsultimi që më pas ta kthejmë dhe në nismë ligjore. Pyetjes që nëse doni që paratë e emigrantëve të legalizohen, 66% ju përgjigjën pozitivisht./CNA.al





Lajmet e fundit nga