Bypass-i i Vlorës/ Komisioneri Várhelyi vjen në Shqipëri, inspekton financimin e BE-së

13 Korrik 2022, 18:10, Ekonomi CNA
Bypass-i i Vlorës/ Komisioneri Várhelyi vjen në Shqipëri,
Komisioneri i BE-së për Fqinjësinë dhe Zgjerimin Oliver Várhelyi

Komisioneri i BE-së për Fqinjësinë dhe Zgjerimin, Oliver Várhelyi, do të vizitojë të enjten e 14 korrikut Shqipërinë. Siç njofton zyra e shtypit e delegacionit të BE-së, Várhelyi së bashku me kryeministrin e Shqipërisë Edi Rama do të vizitojnë Bypass-in Vlorës, i cili është financuar nga BE-ja.
Vizita do të fillojë në orën 19:00 në kilometrin 13. Pas një vizite të shkurtër përgjatë Bypass-it, Komisioneri dhe Kryeministri do të mbajnë një konferencë për shtyp.

Bashkimi Europian ka mbështetur ndërtimin e Bypass-it të Vlorës nëpërmjet një grant prej 20 milionë eurosh. Gjithashtu, Banka Europiane e Investimeve (BEI) dhe Banka Europiane për Rindërtim dhe Zhvillim (BERZH) po kontribuojnë me hua prej 18 milionë eurosh secila për këtë projekt./CNA.al

Lajmet e fundit nga