web counter
LEXO PA REKLAMA!

SHKARKO APP

App Store
Google Play

E fundit!

x

Euro barazon dollarin/ Ekspertët: Ekonomia europiane, drejt recensionit

12 Korrik 2022, 22:20, Ekonomi CNA
Euro barazon dollarin/ Ekspertët: Ekonomia europiane, drejt recensionit
Foto ilustruese

Euro dhe dollari janë barazuar për herë të parë në 20 vjet, duke përforcuar dyshimet se ekonomia europiane po shkon drejt një recensioni të thellë si pasojë e agresionit rus në Ukrainë.

Të martën, një euro ishte i barabartë me 1 dollar.

Ndryshimi do të thotë se kompanitë dhe konsumatorët europianë do të paguajnë më shumë për mallrat dhe shërbimet që importojnë, ndërkohë që eksportet europiane do të kushtojnë më pak në tregjet ndërkombëtare.

Euro ka përjetuar një eksperiencë dramatike sa i takon humbjes së vlerës që prej fillimit të shkurtit, kur vlente mbi 1.13 dollarë.

Rënia u përshpejtua në javët e fundit për shkak të frikës se Rusia, furnizuesi kryesor i BE-së me energji, do të ndërpriste tërësisht furnizimin me gaz si hakmarrje ndaj sanksioneve të Perëndimit.

Deri tani, 12 vende të BE-së kanë vuajtur ndërprerjen totale ose të pjesshme të furnizimeve me gaz rus.

Fluksi nga gazsjellësi “Rrjedha e Veriut 1” u ndërpre më herët gjatë javës për një proces mirëmbajtjeje që do të zgjasë 10 ditë.

Mbetet e paqartë nëse Kremlini do të urdhërojë zgjatjen e pezullimit përtej afatit dhe ta bëjë atë të pacaktuar.

“Le të përgatitemi për një ndërprerje totale të gazit rus. Ky është opsioni më i mundshëm”, paralajmëroi ministri francez i Financave, Bruno le Maire.

Tani të gjithë sytë do të kthehen nga euroja, për të parë nëse do të vijojë rënien poshtë dollarit amerikan. Hera e fundit që kjo ndodhi ishte në nëntor të 2002-shit, kur valuta e përbashkët europiane vlente 0.99 dollarë. /euronews





Lajmet e fundit nga