web counter
LEXO PA REKLAMA!

SHKARKO APP

App Store
Google Play

Shtatë lajmet e mira për turizmin/ Gazetari: Ekonomia nuk do të bjerë në recension

24 Korrik 2022, 13:31, Ekonomi CNA

Shtatë lajmet e mira për turizmin/ Gazetari: Ekonomia nuk do të

Gazetari Klodian Tomorri, shprehet se Shqipëria po shkon drejt një sezoni rekord turizmi këtë vit.

Me anë të një postimi në rrjete sociale, Tomorri shkruan se ka 7 lajme të mira për turizmin këtë vit.

Pavarësisht rritjes së çmimeve apo nivelit të shërbimit, sipas tij turizmi do jetë faktori kyç që nuk do e lejojë ekonominë të bjerë në recesion këtë vit.

“Lajmi i parë i mirë është se sipas të gjitha gjasave Shqipëria po shkon drejt një sezoni rekord turizmi këtë vit.

Në maj, te huajt qëndruan 100 mije netë më shumë në Shqipëri se sa maji i vitit të kaluar.

Lajmi i dyte i mirë është se kapacitetet akomoduese të vendit po rriten.

Lajmi i tretë i mirë është se vlera që Shqipëria përfiton nga një turist po ashtu po rritet. Dhe këtu  duhet sqaruar diçka për çmimet. Sot një punëtor turizmi në Shqiperi prodhon 2 deri ne 3 here më pak vlerë se vendet e rajonit. Kjo ndodh për shkak se çmimet tona në turizëm janë më të ulëta se vendet e tjera, ndaj rritja e çmimeve në segmentin e lartë të tregut turistik është inkurajuese.

Lajmi i katërt i mirë është se oferta po diversifikohet, ndërkohë që ka ende shumë potencial për të rritur shërbimet dhe vlerën që përfitohet nga turistët.

 Lajmi i pestë i mirë është se turizmi është valvula që shfryn presionet për fluskë në ndërtim.

 Lajmi i gjashtë i mirë është se me gjasa turizmi do jetë faktori kyç që nuk do e lejojë ekonominë të bjerë në recesion këtë vit.

 Lajmi i shtatë i mirë është se fotot me shezllonët bosh dhe britmat me çmimet, përfshirë ato të kryeministrit, i ka marrë era ndërkohë”, shkruan Tomorri./CNA.al





Lajmet e fundit nga