E fundit!

16:01 Aktualitet

Deklarata skandaloze e ministres serbe/ PD: Të shpallet "non grata" dhe të paditet për nxitje të gjenocidit

Partia Demokratike ka reaguar lidhur me deklaratën e minis...

Stop/ I sëmurë rëndë, kërkon t’u kalojë pronën djemve, Kadastra e zvarrit 2 vjet

29 Qershor 2023, 22:11, Denoncim CNA

Stop/ I sëmurë rëndë, kërkon t’u kalojë

Emisioni Stop në Tv Klan ka shkuar në Cërrik pas ankesës së qytetarit Blercen Balla, i cili tregon se ka bërë aplikimin që në vitin 2021 në Kadastrën e Elbasanit për një pronë të tijën, dhe ende nuk është kryer procedura e kalimit të objektit në pronësi.

“Është e pamundur për arsye sepse pa leje nuk e bëjmë dot. Letrat kemi 2 vjet, nuk i japin zgjidhje. Duam ta shembim këtë, të bëjmë një ndërtesë të re. Ta shfrytëzoj. Është e amortizuar kjo shtëpi. Kam ndërtuar unë me prindërit, por kemi dhe vëllain, do ndërtojë dhe ai shtëpi të jetojë dhe ai se këtu nuk jetohet. Sipërfaqja është 500 metra katrorë”, thotë Blercen Balla.

Ramazan Balla, nga fshati Shalëz i Cërrikut, i ati i Blercenit, në vitin 2021, ka aplikuar dhe ka paguar tarifën për kalimin në pronësi të një objekti ekzistues, që më tej ta certifikojë, duke ua kaluar djemve. Ai thotë se pas aplikimit me sukses, nga Kadastra e Elbasanit u bënë edhe matjet me specialistë, por që atëherë e deri më sot, ai nuk ka marrë ndonjë përgjigje. Ramazani vuan nga një sëmundje e rëndë, ndaj kërkon të marrë zgjidhje problemi i tij.

Ramazan Balla: Kam marrë dokumentet tek Njësia Administrative këtu për identifikimin e objektit që është ekzistues. Paguajta sipas udhëzimeve të punonjëses, bëra aplikimin, paguajta 100 mijë Lekë, mora dokumentin e asaj në dorë edhe tha kur të vijnë ata që të bëjnë matjet edhe verifikimin e objektit. Pasi bëra aplikimin erdhën ekspertët edhe e matën, bënë verifikimin, e fotografuan. Kur të dali certifikata, tha, ik interesohu te zyrat ose mund të vijë te Posta. Vajta u interesova atje pas 3 muajve më thanë është në proces.

Në Kadastrën e Elbasanit na thonë që nuk janë bërë matjet, pasi mungon dëshmia e penalitetit, por sipas qytetarit, matjet janë bërë.

Punonjësja: Do doja ta pyesja qytetarin, nëse i ka vajtur kërkesa me shkrim për të dorëzuar dokumentacionin te ne. Në momentin, që bëhet aplikimi, duhet të dorëzojë dëshminë e penalitetit të skanuar nga e-Albania!

Punonjësja: Po dhe më duheshin të dhënat, për të kontrolluar numrin e telefonit.

Punonjësja: Do bëjmë ne matjet.

Gazetari: Po se ai më tha se matjet janë bërë.Ju keni shkuar, kështu më tha.

Pas interesimit të Stop, një grup specialistësh të Kadastrës së Elbasanit bënë sërish matjet për objektin në fjalë, duke e futur çështjen në procedurë. /tvklan