web counter
LEXO PA REKLAMA!

SHKARKO APP

App Store
Google Play

E fundit!

x

Stop/ Me akuza dhe ulërima në Klan, gruaja me djalin e vogël në qiell të hapur

26 Qershor 2023, 22:01, Denoncim CNA

Stop/ Me akuza dhe ulërima në Klan, gruaja me djalin e vogël

Pak ditë më parë para ambienteve të televizionit Klan është paraqitur një qytetare me iniciale S.D.  bashkë me të birin e mitur 4-vjeçar.

Ajo kërkonte ndihmë, pasi pretendonte se kërcënohej nga vjehrra dhe motra e vet. S.D. 30-vjeçare dhe i biri ishin në qiell të hapur.

Ajo bërtiste dhe kërkonte ndihmën e emisionit Stop përpara ambienteve të televizionit. Gazetarja e “Stop”, pasi kupton se gruaja në fjalë kishte probleme me ekuilibrin psikologjik, fillimisht e priti dhe e qetësoi zonjën.

“Më kërcënojnë për jetën Dushe Nasufi dhe Valbona Disha. Valbona Disha është motra, ndërsa Dushe Nasufi është gjyshja. Konflikti ka vazhduar qysh para 5 vjetësh se unë s’kam pasur kurrë marrëdhënie të mira me gjyshen e burrit. Asnjëherë s’e ka miratuar lidhjen time me burrin. Vjen tani e shfaqet motra papritur, e gjej duke folur në telefon me gjyshen e burrit. Ma kanë helmuar djalin, kam bërë shumë denoncime. Gjykata e Shkodrës nuk m’i ka rënë mbrapa fare. Unë tani jetoj me ty këtu, kurrkund, në qiell. Më ndihmoni sepse nëse s’me ndihmoni ju unë do vdes rrugëve. Unë me burrin kam marrëdhënie të përkryer. Ma kanë larguar burrin. Më ndihmoni? Pse ta kem jetën në rrezik? Pse të kërcënohem? Unë dua të jem e lirë se po më shkatërrojnë familjen. Unë jam rrugëve. Po flemë rrugëve. Më kanë shkatërruar në çdo lloj ane”, thotë 30-vjeçarja S.D.

Më pas gazetarja komunikon me bashkëshortin e zonjës, i cili nuk do që të ketë të bëjë me Sidorelën, por thotë se duhet t’ia cojë djalin pasi ai vetë nuk ka kohë ta marrë.

“Kam gati 8 vjet me të që ma ka nxirrë jetën tash e 8 vjet. I kam thënë ndrysho për veten, ndrysho për familjen, ndrysho se kemi një fëmijë midis. Nuk jam kënaqur me atë lloj femre veçse ma ka nxi jetën, fjalë e shamatë. Më ka çuar nëpër polici, lloj-lloj gjërash me familjen time. Me tërë njerëzit unë jam në debat me ta veç prej saj. I kam thënë me mirëkuptim, nuk dua më, nuk më shtyhet më jeta me të se veç nëpër policira. I kam thënë shif punët e tua. Ti fëmijën s’je në terezi ta mbash, do e mbaj unë. Unë jam i kërcënuar prej XXX se ka vazhduar XXX duke na çuar nëpër polici mua, gjyshen time, tërë njerëzit. Mua s’më duket mirë, ajo tërë kohën me nerva rri”, shprehet bashkëshorti ose ish-bashkëshorti i zonjës.

Më pas komunikimi i gazetares vijoi me Kryetarin e Bashkisë së Tiranës, dhe ky fundit vë në dispozicion 5 drejtori të Bashkisë, përfaqësuesit e të cilave, bashkë me Urgjencën dhe policinë, vijnë në ambientet e Tv Klan.

-Anisa Subashi jam, Drejtoresha e Shërbimit Social Bashkia Tiranë. Sa më shkruajti kryetari. Po lidhem direkt tani edhe me Shërbimin Social Shtetëror, që mbulon edhe Shkodrën. Po e marr tani direkte atë çunin në telefon, edhe do ta sjell edhe një nga Bashkia e Tiranës. Po të sjell edhe një nga Shërbimi Social Shtetëror. Mirë? Tani!

 -Alfred Muharremi, Drejtori i Shërbimit Social për Qarkun e Tiranës: Odeta, mua më vjen nga Bashkia e Tiranës, një sinjalizim, që keni kërkuar ndihmë.

-Unë jam Drejtoresha e Mbrojtjes dhe Përfshirjes Sociale. Jeni tek Klan në Kinostudio, kjo ishte pyetja. Sepse u nis makina e strukturës së mbrojtjes. Po vijmë.

-Kryetarja e Agjencisë! Unë do dërgoj një ekip tani!

Punonjësi i 112: Erdhi një patrullë, pa merak! E dërguam Odeta, e dërguam! Gjithë të mirat!

Situata mori zgjidhje për ndihmën shëndetësore dhe strehimin e Sidorelës dhe të djalit të saj 4-vjeçar./ tvklan





Lajmet e fundit nga