web counter
LEXO PA REKLAMA!

SHKARKO APP

App Store
Google Play

E fundit!

x

Stop/ Bën kursin për hidraulik, por nuk e vërteton dot. Shteti nuk ka kartona për certifikatë

26 Qershor 2023, 22:14, Denoncim CNA

Stop/ Bën kursin për hidraulik, por nuk e vërteton dot. Shteti

Emrah Malaj është një i ri nga Malësia e Madhe dhe para disa muajsh bëri një kurs profesional për hidraulik, ofruar nga Shërbimi Profesional Shkodër.Mirëpo, katër muaj pas përfundimit, ende nuk ka një certifikatë, sepse i thonë se nuk ka kartona. Ai është ankuar pranë emisionit “Stop” në Tv Klan për këtë problematikë.

“Jam një 27-vjeçar. Isha i papunë, shkoj te Zyra e Punës për të kërkuar punë. Ata më ofrojnë një kurs për hidraulik dhe vazhdova kursin. Kursi zgjati rreth 4 muaj e pak. Pasi përfunduam kursin po bëhen rreth 2 muaj që ajo certifikatë më nevojitet për të ikur në punë, se për atë punë e bëra. Kam 2 muaj që kryejta kursin dhe akoma s’më pajisin me certifikatë, unë prapë po rri pa punë. I pyeta për certifikata dhe më thanë që akoma s’kanë dalë, nuk kemi kartona. I pyeta kur mund të vijnë dhe më thanë nuk e dimë kur mund të vijnë. Certifikata që s’po e marr më ka penalizuar se po më presin të iki jashtë, se për atë e kam bërë kursin, na duhet certifikata të iki jashtë për punë andej”, thotë denoncuesi.

Nëpërmjet kamerës së fshehtë të Stop, pamë se drejtuesit e institucionit shpreheshin që certifikata nuk del për arsye se nuk ka kartona për printim.

Punonjësja: Kur e ke përfundu kursin?

Punonjësja: Ah, po! Nuk ka kartona prej Tirane.

Denoncuesi: A di gjë, kur dalin?

Punonjësja: Për Zotin, s’e dimë.

Profesori i Hidraulikës: Maksimumi zgjat 1 muaj. Nuk e di, se ku ka mbetur kjo pjesë. Është një problem, që ka mbetur diku. Mundohem, që t’i qetësoj studentët.

Pas denoncuesit, në institucion shkon gazetari i Stop.

Irma Lohja, drejtoreshë: Nuk janë prodhu, se certifikatat nuk është se i bëjmë ne vetë, janë disa, që janë në shtypshkrime. Shtypshkrimet prodhohen nga Tirana dhe jo nga ne.Kërkesat i bën AKPA-ja.

Gazetari: Ju, jeni interesuar ndonjëherë zyrtarisht tek AKPA-ja?

Irma Lohja, drejtoreshë: Po, patjetër!

Gazetari: Në ç’formë jeni interesuar?

Irma Lohja, drejtoreshë: Me e-mail dhe ato kanë thënë, se janë në shtypshkrim e sipër.Djali vetë mund ta ushtrojë profesionin, sepse i japim edhe një vërtetim, ku i thuhet nga ministria: “Për arsye të mungesës së certifikatave…”

Sekretarja: Ne nuk i kemi heq të drejtën askujt. Ne i japim një vërtetim, që ka vlerën njëlloj si certifikata.

Pas interesimit të Stop, Emrah Malaj thotë se u sinjalizuan që certifikatat tashmë janë gati për t’u tërhequr.

Denoncuesi: Emrah Malaj: Menjëherë pasi u interesua emisioni “Stop”, brenda ditës na erdhi mesazhi, që certifikatat u bënë gati dhe shkova e mora mbas një dite. U pajisa me certifikatë. Ishim t’u pritë për certifikatat, jo s’ka kartona, etj, etj. Por, faleminderit shumë emisionit “Stop”, që gjatë ndërhyrjes së tij, u plotësuam me certifikata. Shumë faleminderit!





Lajmet e fundit nga