web counter
LEXO PA REKLAMA!

SHKARKO APP

App Store
Google Play

SKEMA/ Si familjarët e drejtorit të ujësjellësit marrin para nga kompania e inceneratorëve pasi ai i jep tendera Klodian Zotos

31 Tetor 2022, 16:16, Denoncim CNA
SKEMA/ Si familjarët e drejtorit të ujësjellësit marrin para
Fotomontazh - Petrit Tare dhe Klodian Zoto

Skemat e pagesave nga kompanitë e inceneratorëve shkojnë me tentakulat e tyre edhe në zyrtarë të ndryshëm lokalë.

Kompania e inceneratorit të Tiranës “Integrated Energy BV SVP” i ka shtrirë pagesat e saj deri te drejtori i Ujësjellësit të Korçës dhe familjarët e tij.

Në fakt, gjithçka ngre dyshimet për një skemë pagesash që jepet për familjarët e Petrit Tares pas shërbimeve që ky i fundit i ka bërë Klodian Zotos dhe bizneseve të tij.

Në dhjetor 2012, “Integrated Technology Services” lidhi kontratën e parë me vlerë 1.5 milionë euro me Ujësjellësin e Pogradecit dhe tre muaj më vonë e zgjeroi aktivitetin e vet edhe me 3.3 milionë euro të tjera në Ujësjellësin e Korçës.

Në janar 2014, KLSH kallëzoi në prokurori edhe ish-drejtorin e Ujësjellësit të Korçës, Petrit Tare për shpërdorim detyre në lidhjen e marrëveshjes me “Integrated Technology Services”.

Në kallëzim, KLSH evidenton si shkelje lidhjen e kontratës jashtë procedurave të prokurimit publik dhe moszbatimin e ligjit “Për huamarrjen e qeverisjes vendore”.

“Për këtë investim në vlerën 3 376 000 (pa tvsh) kjo shoqëri [Ujësjellësi] ka vendosur qëllimisht t’i shmangë këto procedura, duke rënduar së tepërmi gjendjen e shoqërisë në favor të interesave të subjektit privat,” thuhet në kallëzim.

Hetimet e nisura nga Prokuroria e Korçës pas kallzimit nga KLSH u pushuan duke shfajësuar nga përgjegjësitë zyrtarët lokalë dhe Taren.

CNA.al ka mundur të zbulojë skemën e cila ka filluar të zbatohet në shtator të vitit 2021 nga inceneratori i Tiranës drejt familjarëve të Petrit Tares.

SKEMA/ Si familjarët e drejtorit të ujësjellësit marrin para
Petrit Tare

Si fillon lidhja Klodina Zoto-Petrit Tare

Petrit Tare në vitin 2015 u padit penalisht nga KLSH, por çështja e tij atëherë u mbyll. Ishte një kredi 3.6 milionë euro që Ujësjellës Kanalizime Korçë kishte marrë për vendosjen e matësve në distancë. Pa tender dhe me një çmim 120 euro, Tare mori matësit e ujit në distancë nga kompanitë e Klodian Zotos. Skema e marrjes së këtyre matësve nuk ka ndaluar asnjëherë në Ujësjellësin e Korçës dhe Tares nuk i ka hyrë asnjë gjemb në këmbë. Kujtojmë që në kohën e skandalit, raportuar atëherë nga CNA.al, bashkëshortja e tij Entela Prifti ishte kryetare e gjykatës së Apelit Korçë, më pas u hoq nga sistemi i drejtësisë nga vettingu.

Skema

Mesa duket lidhjet e Tares me Klodian Zoton kanë vazhduar dhe nuk janë ndalur. CNA.al ka mundur të investigojë të dhëna që lidhin familjarët e Petrit Tares me pagesa dhjetëra milionëshe nga inceneratori i Tiranës.

Në 10 shtator 2020, bashkëshortja e Petrit Tares, ish-gjyqtarja Entela Prifti regjistron një kompani në QKB, me emrin “B by DC”. Kjo kompani ka aksionere të vetme “Dictum Consulting” me ortake të vetme Entela Priftin.

Në datën 14 dhjetor, sipas të dhënave zyrtare, “Dictum Consulting” i shet 100% të aksioneve tek Elio Tare. Pra, nëna i shet djalit 100% të aksioneve të kompanisë që themeloi vetë 3 muaj më parë.

SKEMA/ Si familjarët e drejtorit të ujësjellësit marrin para

SKEMA/ Si familjarët e drejtorit të ujësjellësit marrin para

SKEMA/ Si familjarët e drejtorit të ujësjellësit marrin para

Elio Tare është djali i çiftit Petrit Tare – Entela Prifti.

Kompania “B by DC” me aktivitetin e saj në Tiranë fillon shumë shpejt të marrë pagesa të majme nga “Integrated Energy”, kompania e inceneratorit të Tiranës.

Sipas të dhënave zyrtare, kompania “B by DC”, ka pasur si aktivitet të saj “bar-kafe, restorant, piceri, shërbime katering, evente, shërbime turizmi, veprimtari në fushën e hotelerisë. Kurse profesionale në fushën e gastronomisë dhe menaxhimit hotelier. Eksportimi dhe importimi i makinerive dhe pajisjeve gastronomike dhe hoteliere. Tregti e mallrave ushqimore dhe pijeve alkoolike e joalkoolike me shumicë e pakicë, si brenda dhe jashtë vendit. Agjenci turistike”.

SKEMA/ Si familjarët e drejtorit të ujësjellësit marrin para
Entela Prifti

Nëna i shet djalit kompaninë dhe më pas kompanitë e Klodian Zotos, që kanë fituar miliona euro nga babai, fillojnë e marrin shërbimet e djalit.

Sipas të dhënave të siguruara nga CNA.al, nga tetori i vitit 2021 kompania e djalit të Petrit Tares, themeluar nga Entela Prifti, për një periudhë disamujore ka marrë 73 millionë lekë nga inceneratori i Tiranës.

CNA.al po sjell një listë pagesash që “B by DC” ka marrë nëpërmjet bankës nga kompania e inceneratorit të Tiranës.

SKEMA/ Si familjarët e drejtorit të ujësjellësit marrin para

Firma e djalit të drejtorit që i ka dhënë miliona euro kompanive të Klodian Zotos, dhe ish-gjyqtares të shkarkuar ofron kurse gastronomie bar-restorant dhe paguhet me miliona nga kompania e Klodian Zotos, e regjistruar në Holandë. (vijon)./ CNA.al

SKEMA/ Si familjarët e drejtorit të ujësjellësit marrin para

SKEMA/ Si familjarët e drejtorit të ujësjellësit marrin para





Lajmet e fundit nga